立場新聞 Stand News

官場新文化ㅤ「專業」新解法

2019/6/28 — 16:42

6 月 27 日示威者於律政中心外聚集,律政司司長鄭若驊直至晚上 11 時許才乘車離開。

6 月 27 日示威者於律政中心外聚集,律政司司長鄭若驊直至晚上 11 時許才乘車離開。

明明正在行使警員職務,眾目睽睽,陽光執法,偏偏堅拒出示委任證。

明明係一哥,員佐級協會嚴正聲明:如果醫護人員繼續認為警務人員是阻礙他們工作,懇請醫管局撤銷所有醫院警崗服務。偏偏唔撥亂反正,仲話敵意環境難以工作,火上添油。相比沙士期間醫護人員嘅專業表現,孰優孰劣,仲使講。

明明律師最擅長咬文嚼字,字字值千金,偏偏律政司司長勸人不應斟酌字眼,差不多先生纏身,你都咪話唔心心驚。

廣告

明明係真誠道歉,偏偏一眾高官幫腔,照稿寫,照稿讀,copy & paste,完全一式一樣,呢個真誠道歉,你話值幾錢斤。可唔可以搵班專業文膽,各自撰寫情文並荗嘅道歉信,中英各一,動之以情,曉之以理啫。

明明係特區首長,偏偏一連九天失蹤,拒不見公眾,妄想忍一時風平浪靜,退一步海闊天空,知唔知道醜婦終須見家翁?

廣告

官場新文化,「專業」新解法,一百歲唔死都有新聞,暫緩,撤回,四個字都唔同寫法,居然話暫緩技術上等同撤回,一讀狀態下講專業,果然不同凡響。

 

(標題為編輯改擬)

作者 Facebook

發表意見