立場新聞 Stand News

家族三代警囝的話

2019/9/25 — 17:37

立場新聞圖片

立場新聞圖片

【文:霍朗齊】

前日跟持長盾政見中立前線警察飲酒,佢大部份時間守警署,對話中透露重要資訊給我,對話如下:

「其實我哋覺得你哋文宣好勁,海報超靚,仲有行動力比我哋強,好快就會知道我哋起邊度出現、突擊,可唔可以唱『有班黑警毅進囝』比我聽,我想唱比同事聽,我哋聽到你哋唱其實忍笑忍得好辛苦。」

廣告

「我哋都好唔開心,咁多人唔鍾意我哋,部分警察都好想感受吓企起威示者當中氣氛,有時見到你哋玩得好開心。」

「OT錢起七月開始就幾乎全警都有,我哩啲低級嘅上限好似150小時,一個月就有近二萬蚊OT錢,計埋人工近五萬,所以前線嘅OT錢更高,我哋已經討論緊買咩新車。」

廣告

「當我返9放6,示威時期就算無人示威,我都要坐到9點先收得工,如果有人出街示威,我哋就會一直等到示威完先收工,同埋我哋暫時取消哂行街巡邏,車巡就繼續,我哋每日只係瞓得六個鐘。」

「要離職警察起六、七月已經走哂,走嘅人都係新人,接受唔到咁大型事態,所以依家留起到嘅警察都應該唔會離職,真正打手,但前線已經發癲唔想再企街,要求上頭換我哋啲後備上去,每次行動只係想快啲清場返屋企瞓。」

「我哋派臥底入你哋度,你哋都有臥底起我哋度架,如果唔係點解我哋啲個人資料起底起到咁透徹。」

「你哋蒙面就得,我哋蒙面就唔得?一係公平啲一齊除,其實都無關係啦,互相都認得對方啦,企到最前咪又係果班人,記者好似班房咁叫得出我哋個名啦。」

「水炮車係垃圾,就算有得開大水力,警察都唔敢開。同埋我哋食慣催淚彈,起催淚彈訓練要起房食煙,如果外國製催淚彈放哂,可能會買大陸製掛。新警棍唔係個個有,我暫時未有亦未必會拎囉。」

「明明好多嘢都唔關警察事,其他部門都有份,但佢哋推哂比我哋做,尤其消防、路政、食環等。大佬呀!清理連儂牆關撚我哋事咩‧‧‧」

「公務員被捕者中,入境處職員最多、其次有消防員、醫護人員等。有小朋友被捕者同我哋傾計話『秀茂坪副本好難打』緊係啦,上下包圍根本無得你走。」

「機場的確係我哋弱點,因為我哋都唔入得去,你哋點玩都得。同埋我哋小隊兩個月要調來調去唔同嘅警署守,如果要我哋出去打,我哋都未必識哂啲路,同埋個長盾好重嘅,我唔想跑囉。」

「佈防最前排持長盾係米八幾高佬、第二排係持小盾身高約米八、第三排係持槍身高同你差唔多高(一米七五)警察,所以唔係個個人都會持防暴槍,我都唔可以持某些槍,因為我未接受相關訓練。」

「你真係跑快啲唔好比人拉到,講真,有時個場面升溫到咁暴力,我哋開實彈槍致命都只係寫份報告了事。」

「831太子站、爆眼少女事件,我唔起現場,我都唔了解。有送去新屋嶺嘅被捕者喊哂,怕我哋送佢哋返大陸。唉,我哋拉幾多人,法庭咪又係幾乎放返哂。」

「721元朗站,我哋同事去過一次睇場,但你哋人多,我哋咪走囉,我哋有去過架。」

「屌你!被捕者飯盒同我哋飯盒係一樣架,同一個 CANTEEN 煮架。」

「我哋個個都好憎個仆街盧偉聰,仲有退休返來果個指揮係垃圾。」

「(笑言)我都想快啲買樓,你哋係咪應該搵港交所求助。」

約見前,一班防暴警從太子警署出來,準備截查我,他一句「自己友」放行了,第一次被大班黑警「保護」嘅感覺原來係咁奇怪。最後佢同我講:「要小心,唔好起街被捕,帶小朋友跑,出咗事我都救你唔到。」我暫時記得咁多,隨時更新。

發表意見