立場新聞 Stand News

專業人士,搵返自己尊嚴來!

2016/9/1 — 19:09

作者提供圖片

作者提供圖片

【文:白露】

這陣子,聽到不少建測規園界別內的故事。

有人受老闆溫馨提示,投票意向不敢透露不敢討論;

廣告

有人見A營說撐A,見B營說撐B,表裏不一,靠山為先;

有則師大吐苦水:我都唔想畫呢啲蚊型劏房,X樓來架!

廣告

有做政府的,只能私下批評政府搵地起樓方針,長官意志行先,凌駕專業判斷,但置身局內有口難言,只望外人打救。

為何堂堂專業人士,要活得如此無樽鹽?是咪繼續只顧打好份工,保住飯碗,就叫「務實」?儘管有不少情況是各個專家各有判斷,但現在明顯是客觀討論的基礎也沒有,提另類有建設性方案都隨時被打成反對派。

如果話支持民主就會難與政府建立信任,那我們要問,為何政府害怕民主,害怕資訊透明,害怕決策下放?為何不是拉政府多了解公眾所想?口講支持由下而上,原來都是害怕上頭不接受?

建築師、測量師、規劃師、園境師,齊來問問自己,當初為何會入行?難道很享受為地產商炒盡?幫手用推土機鏟盡鄉郊農田?定係建設一啲大家真係享受嘅野,讓人住得開心,對得住環境,賺錢賺得安心?

以上死結,無話投了誰就一定解決到,未來四年一天光晒。但做人最重要是問心無愧,言行一致,追求自己相信的價值觀,去說服更多人支持。

九月四日,請真誠投票,投你真心所支持的。無人逼到你的獨立意志!
 

發表意見