立場新聞 Stand News

對宣誓風波釋法嘅解讀

2016/11/3 — 9:43

梁頌恆、游蕙禎

梁頌恆、游蕙禎

對呢場釋法風波,首先,就當成報有料到,張德江、張曉明同梁匪振英係一伙,跟住呢單嘢,由人大釋法,而張德江又係人大委員長,佢有召開會議釋法權限,釋法會玩死香港法治,如果人大釋法唔針對梁游,就即係叛國。以此綜合推論,應該上面權鬥,亂港四人幫佔下風,想一拍兩散,玉石俱焚。

香港法治一死,內地資金就冇咗上市平台,佔中同旺角騷亂咁大件事,都唔出解放軍,就係香港嘅上市地位。

曾經提出過一個疑問,唔明地產代理點解為爭客要打交,打完個客又唔係佢嘅,開始嘈,個客已經走咗。網友神回:「師兄,你真係唔明中國人心理,自己食唔到碗飯,都要人地冇得食」

廣告

梁匪臨時臨急唔上北京,正路單案一早排好日期,唔會而家先突然話留低,應該條友驚被自殺。

建制派而家大部分都仲騎緊牆,表面上仲炳緊青政,但我仲未睇到佢地對「今次釋法」明確表態。冇錯,班友有外國護照,但我想同佢地講:「銅鑼灣五子都有人有外國籍,一樣照捉,如果押錯注,你哋都走唔甩」佢哋冇可能唔知,大部分中共權貴家族有資產喺香港。根據巴拿馬文件,香港另一個功能就係幫助權貴家族將金錢匯出國際,權貴冇可能攞自己利益較飛。呢個時候再唔表態,打算作壁上觀,將來會唔會俾人清算就天曉得。

廣告

支持非建制陣營市民無論點都好,都要出嚟遊行,因為冇咗法治就大狠鑊個鑊。

發表意見