立場新聞 Stand News

對真普選耿耿於懷、念念不忘......

2015/7/24 — 13:03

【過度解讀系列】《羅生門》嘅爆紅,我諗唔少人都覺得「詫異」(好似曾鈺成得悉細佬被炒一樣)。無疑,一個長情男(時稱毒L)十年後發現原來自己一直FF,女生原來一早已經 let go,仲要赤裸裸話「我愛過哈囉吉蒂嗎似乎沒有」時,的確好 hurt,引人共鳴。但我心諗,香港真係有咁多毒L?真係有咁多人有類似嘅經歷同感受?

於是,我開動「過度解讀」mode,即刻明晒!原來呢種毒L自己FF,跟住被人大巴大巴醒埋嚟兼叫你收皮(係你自己FF咋),然後覺得自己好柒、被hurt得好痛嘅處境,何嘗唔係普遍香港人嘅寫照?

廣告

我哋仲衰,FF咗18年(甚或30幾年),對真普選耿耿於懷念念不忘,舊年仲搞咗個好大嘅「攤牌」大會,點知對方赤裸裸話我哋知從來無意落實,仲出催淚彈、警棍、朱經緯、七警、濫捕、濫告(下刪300字)等對付我哋,話我哋FF,然後覺得自己好柒,被hurt得好痛......

「我說過守基本法嗎似乎沒有」!

廣告

香港人係咪將呢種「發現自己FF+覺得自己柒咗+被hurt得好痛」嘅感受,投射返去情愛嘅 context,再通過《羅生門》嚟獲得短暫治癒(catharsis)嘅效果,因此令歌曲爆紅?我唔知。但係呢隻歌,一定好啱FF咗黨國50幾年嘅曾德成聽!

其實我哋每日見到呢個講一句,嗰個講一句,然後估吓邊個得勢,邊個失勢等,根本就活喺羅生門中啦!《羅生門》嘅出現,係現實與歌曲嘅完美結合。

 

標題為編輯所擬,原刊於作者 facebook

發表意見