立場新聞 Stand News

【對話會】少量發言批評示威者 批議員教師社福界新聞界全部有問題

2019/9/26 — 23:20

政府首場對話會,大部份抽中發言都是批評政府或支持抗爭行動的人,但亦有少量發言批評示威者,其中一位女士發言時指,同意成立獨立調查委員會,但不能只針對警方,「我相信好多人都有關,都有責任」,她認為議員、教師、社福界、宗教團體、司法系統、多個政府部門以至傳媒都有問題,都需要調查。

該名女士發言時,先表明同意成立獨立調查委員會,但不是針對警方,「有警察做得唔合理,亦都需要調查,但並非淨係針對警察」,而是針對今次「暴動」的原因,例如教師、「社福會」、宗教團體都有鼓動學生上街,「我唔認為學生應該參與政治,佢地思想未夠成熟,就算成人,政治咁複雜嘅問題,係咪我哋個個人都明白,更何況係學生?」

她又質疑「司法公正」亦有問題,例如當執法者「嚴正執法、有足夠證據」,為何法官可以有不公判決;多個政府部門亦被她批評,例如她質疑「教育部」應該要為放任辱國言論和行為問責,應「恢復中史教育」,通識科內容應該受監管,亦應加設國民教育等。

廣告

該市民又質疑「新聞處」未有盡責,令假記者氾濫,嚴重影響執法,「協肋逃犯,抹黑政府同執法部門,為禍人間」,認為政府應嚴厲規管記者發牌及操守,「尤其係香港電台,出政府糧反政府,應該由內向外,完全重整,做官方頻道應該做佢應該做嘅嘢。」

 

廣告

另外一名女士發言時指,自己一直無上過街,但自 71 示威者衝入立法會後,她認為方法可能有問題,「暴力示威,已經維持左兩三個月,我想問下而家個成果係咩?你哋達到你嘅目標咩?」她認為不是所有市民都希望以暴力解決問題,又指自己完全不擔心警方執法,「我行過警署或者行過有警察巡邏嘅地方,我掂行掂過,我其實從來都唔驚嘅,但係我而家見到一班黑色衫嘅人帶住口罩,圍埋一齊叫囂我真係驚」。

發表意見