立場新聞 Stand News

導演劉俊輝 公開鬧爆齊昕CY

2015/3/3 — 19:46

特首梁振英二女兒梁齊昕近日計劃參與電影《男極探射燈》拍攝工作,但有傳梁振英不滿該片導演劉俊輝曾拍三級片等,因此擬買回有關合約,對此劉俊輝發表長達1,940字聲明回應,並在今日「爆Seed」大罵「我們受夠了!」同時批評梁振英,「如果我哋電影從業員從此以後都分成cheap同唔cheap呢兩種類型的話,其實同撕裂我哋呢個行業冇乜分別」,《蘋果日報》又引述他指,「特首作為我哋香港嘅掌舵人,絕對係唔應該咁樣諗法嘅」。

《蘋果日報》報道,劉俊輝今日聯同該片製片、化妝師及道具師一同召開記者,首先宣讀聲明,再接受訪問,期間非常激動,本來講完就走,但及後再拿起咪繼續鬧。

報道引述聲明末段指出:

廣告

「當初梁生喺特首選舉過後,曾經公開講過,從此再冇甚麼『梁營』,『唐營』,香港只有『香港營』,大家不分彼此一條心搞好香港。但如果照梁齊昕專訪引述特首講法,呢個將我哋電影從業員分成cheap同唔cheap嘅分級制,都幾令人失望。

「如果我哋電影從業員從此以後都分成cheap同唔cheap呢兩種類型的話,其實同撕裂我哋呢個行業冇乜分別,希望呢個只係傳媒錯寫,又或者係梁齊昕訪問喺引述錯誤,特首作為我哋香港嘅掌舵人,絕對係唔應該咁樣諗法嘅,多謝大家。」

傳CY嫌曾拍三級片 劉導:撕裂電影業

廣告

報道又引述劉俊輝指,影帝兼梁齊昕好友黃秋生拍過的《伊波拉病毒》,都有姦屍情節,反問梁振英「咪要梁齊昕同黃秋生絕交?」

《明報》引述劉俊輝在會上強調,從來沒有人聯絡他要求買回梁齊昕的合約,反而梁齊昕的態度模稜兩可,未知會否落實拍攝。他又指,有關電影原定本月8日開始拍攝,但現時未能如期展開拍攝,令他感到困擾。

他澄清,從來沒有說過開拍的電影是三級片,只是二級喜劇,沒有裸露戲分,也沒有要求梁齊昕說粗言穢語。不過,《蘋果》報道指,竟然是梁齊昕主動提出要在戲中講粗口,劉表示,「我就話粗口要三級喎,佢就話唔驚。」至於梁齊昕想講甚麼粗口,劉就拿咪大聲逐字讀出「X你老母囉就係!」。

劉導爆齊昕 主動要求講粗口「X你老母」

有關聲明又指出,令其感困擾的,還包括梁齊盺雖然缺席電影籌備會議,但又會出席電影男主角李逸朗的音樂會,音樂會後更要求逸朗相約時間排戲。劉表示對於梁齊昕此舉感難以理解。他又指梁齊昕一事,打亂公司預算,令公司損失達七位數字金額。

劉俊輝在回應記者提問時,表示「我真係好激氣,我就唔係搞事嘅,我只係谷氣。佢(梁齊昕)唔依合約做嘢,咪就係搞事囉!」被問到付了多少酬金給梁齊昕,劉只稱,「我借錢俾人,梗係要還啦。」

對於被質疑是否利用梁齊昕做宣傳,劉稱,「人與人之間冇話利唔利用。佢兩次都冇出現,又唔同我哋商量,又冇話唔拍,又冇通知。」

《明報週刊》前日刊出梁齊昕的專訪,內容提及梁振英不滿齊昕將拍「三級片導演」劉俊輝執導和監製的《男極探射燈》,所以要買回已簽的片約。不過,報導刊出後,梁齊昕在Facebook反問「Apparently I did an interview with 明週?」同時提及「律師信律師信」。

發表意見