立場新聞 Stand News

屈穎妍去開會途中會唔會買兩袋海鮮?

2015/3/8 — 1:50

資料圖片

資料圖片

反駁屈穎妍謬論其實係一件幾浪費時間嘅事,事關佢啲歪理太多,你駁得幾多個?駁佢又浪費時間,唔駁佢又會俾佢繼續荼毒佢班fans,話晒人地係前大學講師、知名傳媒人、《怪獸家長》知名作家,應該唔少人仲會聽佢啲歪理。

不過呢次真係忍唔到手,事關真係笑大人個口,水平又突破底線。

廣告

1. 屈女士問出外開會期間可唔可以順便換電池。我又想問,出外開會期間你會唔會去買兩袋海鮮?警察著住制服,就係行使緊警權,你著住套制服去買嘢,就會俾公眾一個公私不分嘅壞印象,之所以點解警察要響署方指定休息時間同食肆先可以著住制服食飯?

2. 「事後有說」處理阻街案所以要拿海鮮做證物?屈女士你以為「聽講」就可以唔駛經大腦就quote架?阻街係根據簡易程序治罪條例發告票,邊會要證物?條魚阻街你就要帶條魚番差館?你帶條死魚留差館證明個舖頭阻街呀?咁如果有人放個花盆阻街,你係咪要搬個花盆番差館??

廣告

要做打手都唔該用下common sense啦(如果有的話)。

有人話唔好反駁佢,應該”Stop making stupid people famous”,我認為呢句說話唔適用於屈穎妍。因為(1)佢本身極之famous,尤其響家長界;(2)佢係咪真係stupid我有保留。

原刊於作者博客

發表意見