立場新聞 Stand News

幾十年威望 ... 慘啦

2016/7/13 — 18:04

白韞六、李寶蘭

白韞六、李寶蘭

前日手下食乜早餐,私隱,唔講得。
噚日手下著乜色衫,私隱,唔講得。
今日手下做乜降職,表現差,講得。
手下表現差成點呀,私隱,唔講得?

開設「高層」新職,事前入紙説明。
調換「高層」新職,事前入紙解釋。
升遷「高層」新職,事前入紙申請。
貶降「高層」舊職,講聲通知就得?

做咗幾十年人,乜都見過吓,原來一山還有一山低,五體投地囉,我服啦。

廣告

小學生水平,自圓其說,雙重標準,混淆視聽,自製關公災難,笑死朕啦。

係咪禮崩樂壞,綱紀無存,你有你睇法,我有我哀嘆,幾十年威望,慘啦。

廣告

可憐手下,辭咗職,都仲畀人話。
可憐未辭職嘅手下,會畀人點話?

 

(原刊於作者 facebook

發表意見