立場新聞 Stand News

幾時有人搞番個「辱思歪罪」

2017/5/8 — 8:59

網民facebook片段截圖

網民facebook片段截圖

「任期尚餘不足2個月的特首梁振英,早前批評反對派示威阻他落區,惟近日頻頻上載落區相片和短片,鏡頭裡完全掃去反對聲音,只見不少中老年人向他索合照。梁特是日到訪大埔,民建聯北區區議員劉國勳亦陪同在側,梁雖同樣獲不少中老年人索合照,但亦遇上一名烈女痛罵,但全程以笑遮醜 ... 」

蘋果日報網站5月7日報道

睇嚟嗰幾件好似話讀過吓法律嘅立法會議員好快又有嘢搞。

不過諗真,俾個咁嘅人做特首,直頭係「侮辱香港人」、「侮辱一國兩制」、「侮辱基本法」。

廣告

「侮辱一國兩制」同「侮辱基本法」可能係預咗嘅,共產黨從來冇諗過唔侮辱基本法同一國兩制,所以無得同佢計。但「侮辱香港人」呢吓嘢就真係冇得咁順攤。

想問下嗰啲民意代表,究竟有冇諗下為香港人出頭,整返條「侮辱香港人罪」。呢單嘢確實有得諗、值得諗、冇得唔諗,重肯定可以搶到票。

廣告

思歪做人做到咁樣,其實都可以講係「自取其辱」甚至係「侮辱祖先」。不如順手諗埋整多兩條「侮辱自己罪」及「侮辱祖宗罪」,咁香港就可能會成為全世界「辱X罪」最完備的「無辱社會」啦。

咁重唔係證明一國兩制確實係一個「充滿想像力」的發明?也證明中國人可以為人類文明史提升到一個更新更高嘅境界。更證明在中國人管治下,香港確實可以有進一步嘅發展。英國人做唔到嘅,中國人真係可以做到。

發表意見