立場新聞 Stand News

強國與老外.「政治人才」育成比較

2015/5/11 — 21:51

【作者按:早排曾鈺成咪話香港無乜政治人才,不如睇下中外嘅so called「政治人才」點育成?】

西方:西方民主國家,所謂「政治人才」都離唔開「政黨」由細做起;或者係商界學術界做到首屈一指,總統求您做佢嘅部長。前者往往都係利用選舉提供壓力,係政黨地方選區由「小搬磚工」做起,再慢慢選上國會。所以政治理想和思路都會同政黨好一致,而國家公務員就會保持「政治中立」;不論邊個選贏入政府,公務員嘅職責係執行,保持政府運作。

中國:至於強國所謂「選舉」嘅人大代表,就算俾您選到,您都只係「哎吔」議員,舉下手,既唔會有機會成為官員,提案都要同中央個期思路一致。

廣告

中國官場一向係「官吏合一」;情況就似足殖民地時期嘅香港公務員,話事執行都係佢;根本就無一層叫「政治委任」。 中國公務員情況相似,佢就係實際做政治決策嗰個,跟緊「黨中央」的決定去做。 

強國公務員就講到好白,從來唔話係「政治中立」。佢哋要求「政治素養」,要有遠大嘅「共產主義」理想。實際上,在中國公務員入面九成都係黨員,除咗專業職位,先有機會由無黨派、或參政黨派人士擔任。所以中國嘅政治人才培養,既有黨的色彩,又有公務員制度的行政和政策制訂經驗。

廣告

(香港公務員都好假,成日話「政治中立」;我頂您成日話「大市場小政府」「保守財政」,根本係人地外國右翼政黨個意識形態,成日L化我哋!)

傳統左佬/甚至有外國「學者」會讚中國公務員要上位,政治手腕、政策制訂加行政能力都要「十八般武藝」。但係您又要咁唸,中國公民社會弱,邊有反對意見,邊有政治壓力啫?如果有,咪又係派武警搞掂,有幾可同您落區傾! 所以,其實叫689番國內做官,佢肯定做得舒服過坐係添馬。

文:紅太陽

 

作者 facebook page

發表意見