立場新聞 Stand News

強調非以精英作招徠 林作:麥明詩就sell呢啲

2015/11/12 — 19:08

壹錘定音片段截圖

壹錘定音片段截圖

黃大仙龍星選區候選人林作今日傍晚出席《蘋果日報》節目《壹錘定音》訪問時,強調自己從沒以「精英」、讀書成績佳作招徠,希望堅持自己政治信念,隨即主動提及女友、應屆港姐冠軍麥明詩:「麥明詩就sell呢啲,我唔係。你問佢啦,我哋唔同路。」但後又即補充「我都唔想提(麥),唔需要」。

林作在訪問中回應多項爭議。昨日福建社團聯會舉行會員大會,向轄下230個團體提供區選推薦名單,並表明會助選,林作被列入名單內。林作否認曾與該會接觸,形容他們「亂嚟」、自己「瞓喺度都中槍」,「我真係覺得佢哋欠我一個道歉」,要求他們交代。他又指獲對方支持需要簽署支持同意書,但他手上沒有該會的同意書,「佢咁樣出,係咪間接搞到我犯法?」

林作又回應資深大律師清洪撤回對其支持一事,指這是因為清洪正代表對手譚香文打官司,強調清洪對他「以前支持,而家都支持」,不過因為利益衝突問題,要撤回支持同意書。被問到是否與清洪關係決裂,林作表示:「如果係關係決裂,(清洪)何必唔行出嚟話『我而家撤回支持佢』?有無?無呀嘛。」

廣告

他認為公眾應該理解,清洪撤回不是因為不支持他,而是一個「技術問題」(technical issue),「唔想畀人有借口走去大律師公會」。他又強調,「我唔係想賴我選舉代理人,但係清洪兩個字加上方格表(選舉事務處候選人簡介表格),本身唔係我嘅idea。」

主持問林作是否同意自己政治敏感度低,林作表示「撤回反而顯示到我一種風度同嚴謹,我覺得冇問題」,又指自己是「傳媒敏感度不足」。

廣告

主動提及麥明詩 即稱「唔想提佢」

林作參選至今,出現不少林作犯錯的負面新聞,如《星島》上月14日報道林作否認曾替新民黨助選,後又「忽然醒起自己當時其實是協助媽咪的朋友」。林作在今日訪問中卻強調自己沒有否認過,更指「擺到明唔係啦,星島都咁做我嘅,都係你哋蘋果好啲」,又強調是「報紙錯,唔係我錯。」林作認為對傳媒而言,「負面新聞好睇過正面新聞」。

主持又問到為何不少建制社團支持他,林作認為是因為自己面對人民力量的候選人所致,「主要原因係唔想對家贏。」他又指,「我尋日連封email都搞成咁(指宣傳電郵誤洩選民電郵地址一事),有乜可能係佢哋喺背後支持我?」

對於同區對手譚香文,林作質疑「佢係咪真係民主派呀?」,又指「聽佢嘅節目係一個非常之好嘅解壓方式」。

 

 

 

 

 

 

發表意見