立場新聞 Stand News

很強的預知力

2016/9/3 — 12:50

鄭嘉穎主演的《鐵馬尋橋》中,他「啊~」的一幕的截圖為網民愛戴。

鄭嘉穎主演的《鐵馬尋橋》中,他「啊~」的一幕的截圖為網民愛戴。

【文:令狐沖】

喺大台未被嚴重赤化之前,好多電視劇都俾人留低深刻印象,而我最記得嘅一套就係《鐵馬尋橋》,咁當然唔係因為218五個刑嘅「呀!!!」啦。 

《鐵馬尋橋》係講顧家、榮家嘅兩代恩怨,當中包含好多家庭、道理倫理嘅要素,用黎做撈飯真係一流。用人方面,除左218五個刑之外,仲用咗大量嘅好戲之人,好似惠英紅、蔣議員、林嘉華、蔣志光同埋李成昌等等,當然仲有最佳女朋友唐詩詠bb。

廣告

點解要重點推介?除左因為好睇之外,係呢套劇嘅預言能力相當強。好記得大結局嘅一幕戲,係講由林嘉華飾演的榮德,因為唔希望被一眾武林中人爆大鑊,而出錢收買警方同高官,誣告準備頂證自己嘅人,同埋捉走佢地嘅家人。講到呢到,睇緊呢篇文嘅您可能會諗:「哇,咁L似某個自稱進步無私嘅執政集團嘅?」

講返段戲,馬明飾演嘅顧汝棠講左句咁嘅說話:「我屋企人俾人捉咗,你地都係,我地坐埋同一條船,依家我地面前只有兩條路,一條係生路,一條係死路,條死路就係繼續自私,自己顧自己,求神拜佛,望呢兩個畜生講口齒放返佢地。至於生路就係,秉承白鶴先師嘅精神,團結一致,數哂佢地嘅罪行出黎。」

廣告

之後,因為谷阿莫所講嘅主角威能,武林眾人全部聽哂顧汝棠講,大爆榮德嘅秘密。不如,如果發生喺現實生活度,爆料人會唔會咁有號召力?民眾會唔會放棄自私?

不過,《鐵馬尋橋》嘅呢一幕有一個離地之處,就係無人反對爆料人,除左榮德自己同貪官。睇下今日嘅林榮基,爆完料之後居然會俾人捏造不存在嘅黑材料,仲有班所謂嘅藍絲圍插佢,話佢講大話屈9某個自稱進步無私嘅執政集團。

不過,到底係《鐵馬尋橋》離地,定係香港社會離地?您話呢?
 

發表意見