立場新聞 Stand News

從專政假民主俄羅斯 看香港的未來

2017/2/9 — 14:23

習近平、普京、特朗普

習近平、普京、特朗普

【文: Natalie [email protected] a Smart Voter】

前註俄羅斯美國大使兼前美國總統奧巴馬特別助理 Michael McFaul 係華盛頓郵報寫咗篇文叫做「我們唔好俾特朗普走普京嘅路」(We can’t let Trump go down Putin’s path),勸諫美國社會要警醒唔好俾特朗普走普京嘅專制政權路。

文中除了提到特朗普對普京那非比尋常嘅傾慕(眾所週知習近平對普京的愛慕不下於特朗普),更大篇幅分析普京自2000年獲選為俄羅斯總統後如何一步一步建立其專制政權。

廣告

縱然普京起初是一個沒有政治經驗、而且群眾支持薄弱嘅總統,好多觀察家起初亦沒法想像普京有能力根本性地改變俄羅斯嘅政治體系,但現在回頭看,全部跌爛晒眼鏡。

究竟普京做咗啲乜嘢令佢可以隻手改變俄羅斯?

廣告

作者分析普京首先承諾令俄羅斯再次強大(係咪好似特朗普嘅競選口號:Make America Great Again 呢?),然後強調依法治國,跟住非常嚴厲打擊恐怖份子,造成無數平民死傷。

緊接下來普京向獨立傳媒宣戰,趕俄羅斯當時最重要的私人電視台老闆離開俄羅斯,令普京得以掌控其所持有之電視網絡。一不離二,普京用同樣手段追擊及打壓另一電視公司以及其他獨立媒體,達致全面掌控俄羅斯傳媒。

如今天的特朗普,普京透過總統行政指令達成其眾多政治目的。普京又以經濟增長措施及市場改革,換取商界政治盟友支持,擴大其勢力範圍。

今天回看, McFaul 認為清晰可見普京初時溫和反民主嘅每一步,最終令俄羅斯變成一個專制社會。每當普京面對有人或團體對他的權限作出挑戰時,他便以更大力度打壓。例如他拘捕經濟支持敵對政黨嘅商業領袖,佢亦用政府權力限制國家選舉有真正競爭,更終結了直選地區首長的選舉制度。

當2011年佢面對成千上萬俄羅斯人上街頭示威挑戰其政權時,佢抹黑示威者為叛國賊及被美國擺佈之人士,而且用盡一切伎倆,如假消息、抹黑,又以虛構罪名拘捕示威者,務求削弱及剷除反對勢力。當中不少人士仍被囚或被軟禁,更多今天已流亡海外。

作者又指出為求制衡住在城市、受教育、較富裕嘅創造階層反對佢,普京動員佢嘅選民:那些住在鄉間、貧窮、教育程度低、而且係蘇聯半介入環球經濟市場中未能受益的一羣。普京及其政府刻意用盡手段分化俄羅斯社會,以民眾鬥民眾。

聽到呢度,係咪覺得普京簡直係好似再世習近平呢?其實正確啲嚟講,普京係學習咗中國共產黨同其他獨裁政權嘅手法,不過將佢現代化,兼且面頭鋪層民主嘅羊皮,即係有民主嘅型無民主嘅實。普京嘅假民主版獨裁專制政權,就係習近平日思夜想好空泛嘅中國夢之實。

McFaul 係文章最後特別以俄羅斯嘅經驗去告誡美國社會同群眾,千祈唔好俾溫水煮蛙,天真希望特朗普初任總統嘅種種危險動作,會隨時日慢慢消失,或者以為可以單單喺體制內去保護民主。

作者奉勸美國社會應立時發聲監察特朗普,否則會如今天俄羅斯人一樣後悔當初,現在只能慨嘆為時已晚。

香港人追求的真普選之路,又會否在中共及香港政府建立之假民主制度,以及種種政治手段中轉入專政獨裁之不歸路?

 

註: 以上是筆者個人意見,不代表「做個聰明選民」立場。

"We can’t let Trump go down Putin’s path" by Michael McFaul at Washington Post

 

 

發表意見