立場新聞 Stand News

我同一個九西選民嘅對話

2016/9/3 — 18:12

立法會選舉的宣傳廣告。(資料圖片)

立法會選舉的宣傳廣告。(資料圖片)

仲有一日就係選舉,如果你未諗到投邊個候選人,我想同你分享一小段我同個朋友嘅對話。


👳🏾:我 👩🏻:朋友

👩🏻「係咪就黎立法會選舉?」

廣告

👳🏾「係呀星期日。」

👩🏻「我仲未諗好投邊個,你咁鐘意鳩up,邊個好啲?」

廣告

👳🏾「邊區?」

👩🏻「九西。」

👳🏾「大陸朱囉我最支持大陸朱。英式管治,兩制對峙。有回應佔中之後香港青年嘅兩~~大訴求⋯」

👩🏻「(碌緊港大民調)邊撚個大陸朱呀?朱韶洪?唔識喎,仲有冇邊個推介。」

👳🏾「你有冇邊個心水呀?」

👩🏻「嗯,我一不投民主黨,二不投熱普城,我諗一係毛孟靜,一係小麗,一係游蕙禎掛。」

👳🏾「公民黨最有戰鬥力個個叫楊岳橋,而加一拖五喺新東幫緊其他泛民拉票。但就算辯才好似佢咁好,入到立法會都係咩都做唔到,你知唔知呢,香港嘅立法會議員係立唔到法架,因為呢佢地個提案權呢又唔可以影響公共財政又唔可以影響政府運作,基本上呢淨係可以否決政府提出嘅議案。」

👳🏾「你覺得香港同中國仲有冇計傾吖,或者中國政府會唔會聽香港人嘅訴求?即係你上街講幾聲『我要真普選』,共產黨會唔會俾民主你?如果你覺得對話呀/溝通仲有用嘅話,可以投嘅。但你諗下

👩🏻「咁小麗老師呢?我見有friend share佢論壇啲片,ok喎。」

👳🏾「小麗呢前幾日就俾人問佢話會唔會放遊棄佢 Poly 份教職做全職議員,然後佢就話『唔想做政棍』所以呢就唔會辭職,之後就俾好多人批評佢又剩,咁我覺得都合理嘅啲批評,即係你收九萬幾蚊人工,其中一個原因就係希望你可以專注喺議會工作入面嘛,唔係話收左九萬蚊就係政棍架嘛。然後,小麗過左日就話,如果當選呢,會捐一半人工出黎【註一】,我聽到真係打左個突,選舉前幾日前話會捐人工有啲古惑喎,咁佢今日可以捐一半,聽日再告急咪可以捐哂出黎。聽人講,泛民啲議員因為知實報實銷唔夠用,好多都會自己貼錢出黎,但冇乜邊個會咁樣拎出黎講【註二】。再講,大家都知香港人口老化緊,全民退保根本係冇乜可能持續運行到落去,到你老個陣呢,就冇人養你架喇大佬。」

👩🏻「咁唔通揀游蕙禎,嘩大佬佢論壇啲表現嚇撚死人呀,個格成個MK 港女咁。」

👳🏾「好老實講,其實揀邊個入立法會呢都唔會差好遠,因為立法會本身乜野都做唔到,你可以話要保住 1/3 關鍵少數,但除左政改方案,基本上政府嘅方案只需要過半數就過到,包括廿三條。咁如果係咁,咁點解我唔搏下,簡個後生嘅,睇下有冇轉機呢?香港人信左泛民成三十幾年,而家香港搞成點大家有眼見。雖然就算游蕙禎入到去,都係乜野都做唔到,但佢嘅可能性,遠遠比毛孟靜同劉小麗都要高。劉小麗連教席都唔肯放棄嘅時候,你覺得佢會唔會落場同你抗爭,阻止好似網絡廿三條同醫改變相輸入大陸醫生呢啲惡法通過?我就覺得唔會喇。」

👩🏻「但游蕙禎真係成個 MK 妹咁喎,好難投得落手。」

👳🏾「你覺得香港人應唔應該自己決定香港嘅前途先?」

👩🏻「咁呢層一定。」

👳🏾「我覺得從政最重要係兩樣野,信念同埋誠信。你岩,佢講野的確唔係好掂,有時答問題又口窒窒。但係大佬,而家唔係辯論比賽嘛,唔好話講得好就有用架嘛。你要揀個人係唔係為左你張選票服務然後轉個身就唔理你,四年後又出番黎同你講「投票俾我啦,唔投票俾我香港就玩完架喇。」

👩🏻「你又知游蕙幀唔係咁,可能你選左佢入去,佢都變政棍。」

👳🏾「係架,佢都有可能變政棍。但想投啲已經變左政棍嘅,定有可能會變政棍嘅候選人吖?我都係個句,投個後生嘅入去,有少少,少少機會改變,佢包袱少啲,會大膽啲抗爭,用多啲方法嘗試阻止啲不義法案通過。喺今日嘅香港,What else can you lose?」

👩🏻「呢樣真。Btw,游蕙幀幾多號話?」

👳🏾「13。」

👩🏻「我諗諗佢。」

上面嘅對話唔係想叫大家投游蕙禎或者任何人,只不過係想比十五十六嘅九西選民一嘅諗法。投票係個人意志嘅展現,唔應該要含淚。最後,無論你支持邊個,聽日都應該去投票。係,你個一票可能乜野都影響唔到,但至少證明,香港人仲未想輸。一日未輸,一日就仲有得贏。

我知呢篇文未必可以接觸到好多人,就算可以都只不過係同溫層嘅人,所以希望大家可以用盡所有方法,facebook/whatsapp/telegram,分享俾你住喺九西嘅朋友。

【註一】:goo.gl/OJ0JGc
【註二】:goo.gl/uUeAc5

發表意見