立場新聞 Stand News

我和我的藍絲老婆

2019/9/5 — 11:58

立場新聞圖片

立場新聞圖片

【文:我和我的藍絲老婆 創辦人】

林奠出黎回應,我返到屋企老婆主動同我討論,真實對話。

老婆:「我真係唔明,政府已退讓,點解 D 人仲唔肯收貨先!」

廣告

我話:「點解要五大訴求我一早講左,你唔撤回暴動定性同撤銷檢控,大部分被起訴的示威者好快被審,到時個個坐好多年,而家有過千人被捉左,一百個已落 charge,有幾多個家庭?」

老婆:「咁佢地係有做錯到,唔拉都拉左!」

廣告

我話:「做錯咩?警察做錯又無人告佢地暴動?」

我話:「你講到錯,警察做左咁多惡行,今時今日民怨咁樣警察一錯再錯好大原因,由起初無號碼無委任證到無數血流成河嘅兇殘暴力,傷左幾多人?連獨立委員會都唔肯設,冷血到死你睇唔出?」

老婆:「政治係妥協藝術,見好就收啦 D 人,咁樣落去根本唔會成功。」

我話:「如果有一日我外面有女人,我最後肯返屋企,但做錯嘅所有事一件都唔補償同修補,反而叫你妥協得唔得?一句,我都肯返屋企啦!算數?」

聽到依度大家靜左,相信今晚會係另一次冷戰。

作者 Facebook

發表意見