立場新聞 Stand News

我唔信香港人鵪鶉得過大雄!

2016/6/15 — 10:40

2014年雨傘運動,圖由作者提供

2014年雨傘運動,圖由作者提供

【文:[email protected]聰明選民】

不經不覺聰明選民運動已進行了個多月了,做咩要參加這個運動?起初是為了9月立法會選舉。建制配票機制純熟又資源充足,加上咁多新興非建制組織出現,又青年新政又本民前等“咁多選擇”,非建制想保住現有立法會議席本來已不容易,一不小心連1/3議席都保唔住,可以想像政府馬上重啟政改,一國兩制提早壽終正寢,咁我可以將畢身積蓄用來準備走佬了。但我唔甘心,香港人係咪咁唔爭氣眼白白睇住自己土生土長既地方沈淪都吞聲忍氣先?大雄被技安“洽” 都會搵叮噹,我唔信我鵪鶉得過大雄!

想改變現狀首先要知己知彼;根據基本法附件二,一般政府提出的法案,如獲得出席會議的全體議員的過半數票,即為通過。現屆立法會非建制議員有27人,如果9月立法會選舉非建制能夠在地方直選取多5席,再在功能組別取多3席,共35席,咁非建制就能對政府SAY NO!

廣告

到時政府又要搶錢起大白象我就可以交叉佢,又要強搶農地官商勾結我又可以交叉佢。如果D月薪接近30萬、開會瞓覺、散會去旅行既所謂問責官員為失職承擔責任或者689鞠躬道歉,我或者都會考慮讓一小步。好爽,我發緊夢,是嗎?當然不是,事實上2012年立法會選舉地方直選投非建制候選人的選民達5成半,只是輸在比例代表制下被建制派配票搶灘成功,所以今次支持非建制的選民要學會策略性投票。

另一方面,有得揀重要識得揀。N咁多張名單,個個都話自己非建制,我嗰票咁重要,點可以求求其其?坊間有個聰明選民運動,會收集選民認為重要嘅政治民生議題同埋將佢地按選民認為嘅重要性排次序,之後會將結果製成問卷去問候選人,從而比較候選人質素。個計劃聽落可取於是我就參加了,其實聰明選民運動是參考加拿大嘅Leadnow 同Vote Together運動,藉選民充權來提升選民同候選人質素,人地成功推翻了加拿大689,還能夠把選民關心的議案帶進議會,繼續監察政府和議員。運動移植到香港,成效如何還不知道,但值得一試。

廣告

做左1個月聰明選民,在反思社會議題時,我漸漸地感受到政治其實是對社會上其他人特別是弱勢社群的關顧;我交稅我在這個社會生活我好關心政府如何合理公平地分配公共資源。我們的政府理應是公僕,而不是權貴代理人又或是“中共駐港特派部門”,我們─眾公民才是社會的話事人,我們的聲音要透過民選議員帶進議會,這樣才合理。政治不是一小撮把持公權力嘅人嘅利益交換遊戲,畢竟他們交換的是社會資源、大眾利益,他們憑什麼這樣做?

政治也不是權力鬥爭,而是公民對社會的期望和承擔,用理性和良知建造一個理想既生活環境。這當然不是說做左聰明選民就等於可以建造一個理想嘅生活環境,傻的嗎?理想嘅生活環境是願景,聰明選民只是眾多方法中的其中一個既起步點,前面還有19幾萬步,但做總好過不做,行動總好過坐係到等運到。

*即刻行動,請參加「重要議題排名調查」()、(

發表意見