立場新聞 Stand News

我唔識政治,所以揀靚仔 7 號

2016/2/20 — 11:43

立法會新界東補選七號候選人楊岳橋

立法會新界東補選七號候選人楊岳橋

新界東補選我無份,只可以做塘邊鶴,但這一席的重要性在周浩鼎講明如果選到,會改議事規則打擊拉布,咁就影響全港你同我了。

師奶對政治認識不深,只知道如果建制議員數目再多,以後政府的大白象工程、胡亂規劃及官官相衛都可以輕易通過,立法會成為絕對的橡皮圖章,失去監察功能。過往每次選舉都希望建制派輸,就算未盡人意,自己一票都無愧於心。

很多文章都指出香港人要贏,只能選擇最有勝算的楊岳橋,但旺角開年騷亂後,勇武派的支持者也不少,年輕人在過往幾年已經等夠了,民怨沒有疏導之餘更步步進逼,在立法會不顧民意的通過議案,其實不也是另類暴力?

廣告

睇得多分析都花多眼亂,唯有出動師奶心法。師奶買野要平又要好,在有限的家用內要買最多的東西只好計數,把最無吸引力的減去:

先減周浩鼎,你懂的⋯⋯

廣告

減黃成智,左中右不是人

減埋方國珊,哪叱托世都無用

減劉志成、梁思豪因為唔識佢

剩低楊岳橋同梁天琦

雖然梁天琦有幾分似梁思成,有對悲天憫人的眼睛,但楊岳橋唇紅齒白官仔骨骨,陽光男孩加埋少少假哨牙,真係師奶所愛。

都話師奶唔識政治,我揀靚仔 7 號,希望你都揀佢。

溫馨提示:九月立法會選舉,係時候多的關懷家中長者啦,詳見《贏在問候你啊媽》一文。

發表意見