立場新聞 Stand News

我幾肯定 下屆選舉會有「雷動2.0」

2016/9/7 — 19:41

【文:羊撚】

雷動計劃其實只不過係想挽救,太多名單必然出現的攬炒結局,只係連研發的人都估唔到,呢粒畀人恥笑雷聲大、雨點小的弱雞炸彈,原來火力驚人,結果因投擲唔準而殺錯,或差啲殺錯自己友。

廣告

但今次證明,雷霆救兵、召集策略選民的概念係work的,放諸建制也一樣。只要諗辦法修正偏差,唔單止泛民會繼續、熱普城會研究、甚至連建制派都會偷師,補充現行組織配票的不足。

我幾肯定,下屆選舉會有雷動2.0。即使戴戴耀廷唔搞,都依然會有好多人認為雷動計劃同佢做嘅嘢,係十分有效,都會有好多人走出嚟搞。

廣告

戴耀廷,其實同朱凱廸都好似,兩個都係無機心的真戇人,一個思想型、一個行動型,專做吃力不討好的事而被恥笑。但戴耀廷應該無平反的一日了,若他日出現雷動3.0,4.0,建制操作得更好時,到時一樣會怪戴耀廷,點解提出這個咁勁的概念搞返自己?!

 

作者簡介:港島區選民

(標題為編輯所擬)

發表意見