立場新聞 Stand News

我的志願:移民

2018/4/30 — 6:07


資料圖片lVisa Compare@flickr — Attribution 2.0 Generic (CC BY 2.0)


資料圖片lVisa [email protected] — Attribution 2.0 Generic (CC BY 2.0)

【文:阿祺 @全民教育局 HKEd4All】

先戴頂頭盔先:我係好鐘意香港嘅。

入咗大學第二年,去玩去 ‘wet’ 開嘅同學仔已經開始緊張自己畢業冇工做而不分晝夜地搵 intern 嚟寫靚自己份 resume。而我作為一直中游實情下游嘅學渣一早已經棄療,準備一畢業就去九巴見巴士車長,話哂,都係童年嘅志願,要還願的。

廣告

唔好以為大家咁緊張驚第時搵唔到工賺唔到錢係因為本住唔想「餓死老婆瘟臭屋」嘅信條喎。每次見到班友 chur 上 jijis (按:大專聯校求職網站) 搵工嗰陣,我都忍唔住要問佢哋:

「喂,駛唔駛咁快就搵定工呀?我哋呢科本身都係乞食㗎啦!」

廣告

「你痴線啦,唔而家搵夠第時點有錢移民呀!」

「啫係搵埋都係為咗去移民呀?」

「梗係啦,香港邊留得人㗎?」

Mind you,我唔只聽過一次呢句嘢。

「香港邊留得人㗎?」

香港唔少長輩覺得,我哋呢班大學生,受政府(啫係佢哋呢班尊貴嘅納稅人)資助就要貢獻下香港(即係幫佢哋捱世界)。到咗今日,呢班個別團體稱之為「讀屎片」嘅香港年輕人,佢哋選擇早日脫離香港呢個地方。

以前我同我呀媽講我到時都想移民嘅時候,我呀媽就會抬陳年人頭馬句口號「香港幾好都有,點捨得走呀」嚟應我;到尋日同我食飯,佢問我:「移民去加拿大好唔好?」

到底香港現在是甚麼一回事?為何老中青都爭著要走?我是不是將要見證回歸之後第一場移民潮?

這些問題,我交回給各位聰明伶俐的讀者們思考。

冇乜嘢我返出去搵工先。

發表意見