立場新聞 Stand News

我自慰咗,你自首未?

2019/8/10 — 15:10

被質疑和元朗白衣人襲擊市民有關的建制派議員何君堯,昨日上載一張民主派議員在金鐘街頭一字排開的相片,「不推介黑社會電影之『古惑仔-N集』」,引來大量網民留言批評,有女網民留言「你自首啦!」;何君堯就回應「你自慰啦」。(另見報道

【文:Emilia Wong】

反送中運動開始後,無論街頭或網上,處處都是戰場。而女性嘅身體都不時會成為戰場,出頭嘅女性,不論本身氣質外貌如何,往往都會被「以性羞辱」:未成年女學生,喺布上寫上「我是中學生」,被撐警群組改成「我無著底褲」。 每次有女示威者被起底或謾罵,對方總不顧三七廿一,第一時間羞辱佢外表,或者話佢係雞。有撐警專頁將黑色乳頭陰影,PS喺女示威者胸前,引來支持者大肆羞辱女生,話佢不檢點、性生活淫亂。拘捕時,警方數次讓女示威者私處、胸部暴露於人前,絕對唔係偶然,都係為咗要讓佢身體暴露而難堪。

廣告

即使係我哋呢一邊嘅,都有「呀Sir 開OT,老婆玩3P」等嘅講法?

今日,支持元朗社會無差別恐怖襲擊市民嘅何君堯,又再次演示以性羞辱女性。人哋叫佢自首,佢就叫人自慰。將「自慰」呢種掌握自己身體、情慾嘅正常私事,當成一種羞辱,公開地嘗試用性來攻擊反對者。

廣告

市民叫議員自首,並無羞辱成分,佢本可以不理或以理服人。作為立法會議員,居然要去到性騷擾市民來回應留言,真係,不如自刎啦。自慰唔係咩值得羞恥嘅嘢,仲好正好舒服添,自給自足不求人,不知幾好。面對呢啲咁嘅無賴,我哋大可以大大聲同返佢講,我自慰咗啦,so?當我地 Claim 返自己嘅身體同性,打破所謂嘅貞節牌坊,就可以破解被「以性羞辱」嘅魔咒。

#我自慰咗 #你自首未 #wyk9up

發表意見