立場新聞 Stand News

批CY入稟司法覆核宣誓決定 胡國興:好唔好睇 睇唔到任何理由

2016/10/27 — 16:01

背景圖片來源:無綫電視片段截圖

背景圖片來源:無綫電視片段截圖

前高院上訴庭副庭長胡國興今日召開記者會,宣布參選特首。D100主持李慧玲問到如果他擔任特首,宣誓風波如何「收科」,胡以案件審訊為由,不願評論案件,但批評特首作為案件原告「好唔好睇」,「特首點解要做原告人之一,我就睇唔到任何理由。」

胡國興指出,案件正審訊當中,不可評論細節,「當案件在訴訟中,不能談論案件,尤其是官要決定嘢,例如宣誓有無效?唔講得。應唔應該去告人?唔講得。」胡國興表示,如果談論有關問題,可能明裡暗裡影響法官審判斷,「我唔做藐視法庭嘅嘢。其他人點講,佢自己負責。」

胡國興之後說,「但有樣嘢好奇怪,特首點解要做原告人之一,我就睇唔到任何理由。」他引述立法會條例,選民或律政司司長均可以就立法會程序覆核,「點解唔找我做原告,我都係選民,出到行政長官做原告,好唔好睇。」

廣告

胡國興指出,做法律的人有一個說法,「justice must seen to be done,正義要睇到執行。」胡國興認為,事件令人覺得行政干預立法會,「由行政首長去告立法首長,好唔好睇」。

律政司入稟的司法覆核申請,要求覆核立法會主席為青年新政梁頌恆、游蕙禎重新宣誓的決定,原告分別為特首梁振英及律政司袁國強。

廣告

發表意見