假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/6/23 - 22:44

【技術文】勿迷信靠票債票償 — 比例代表制的影響

資料圖片:立法會選舉票站

資料圖片:立法會選舉票站

近日好多人講要票債票償,但我之前文章都提過,由於垃圾會選舉採用比例代表制,只要親中派仍然維持一定得票率,都仍然無法 vote them out。今次比個 scenario 大家示範下。

個 scenario 係咁計出嚟:假設投票人數比 2016 年上升 20%,親中派得票維持不變(* 唔好假設親中派得票一定下跌,04 年 i.e. 七一後同 16 年 i.e. 傘運後,親中派得票仍然上升,中間派或不明顯者得票稍為下跌,然後多出的票全部撥歸民主派不分本土派)。

全港計,總投票人數將由佔全港人口 29.6% 上升至 34.4%,民主派得票由 118 萬上升至 164 萬,得票率由 54.7% 上升至 63.2%,議席亦預計由 19 席增至 23 席……吓,多咗咁多票都只係多 4 席㗎咋(out of 全直選 35)?以新界東為例,就算民主派得票率上升近 10%,議席比例都可以繼續係 6:3,冇變到,葛博士、搓胸勤、桂綸鎂(自稱)繼續連任,一個都 vote out 唔到!

廣告

作者製表

作者製表

計算方法如下:假設親中派在自知弱勢下採取堅守策略,將得票集中 3 條飛並且完美地配票,28.83% 票除 3 就係每人有 9.61% 票。民主派採取攻勢就要派 7 條飛,67.71% 票除 7 就係每張飛 9.67%。但大家都知民主派配票一定冇咁準,冇可能 7 條飛都準確地高票過對家 3 條飛,所以結論係會維持 6:3 席,不變。

咁大家明比例代表制下點樣做唔到票債票償吧?我的全港取 23 席已經係假設配票做得好的了,做得唔好的話,which 都幾大機會(ps 2016 年民主派本應可取 20-21 席),隨時少過 23 席,咁就就算全港多咗 50 萬人投民主派,民主派都只係贏多 2-3 席㗎咋。而且親中派輸邊個完全係睇中聯辦決定棄保邊個,只要中聯辦一聲保佢,再乞人憎如何君妖之流,你都幾乎冇可能 vote him out。

不過都唔代表唔需要票債票償,贏多 2-3 席都係 2-3 席,同埋採取單議席制的區議會同功能組別係真係有機會 vote them out。下次會講吓邊 5 個功能組別可以瞄準。

✽ ✽ ✽

唔好誤會,絕對唔係話投票冇用,只係想指出好多人簡單化話下一步就係登記選民同垃圾會選舉投票,係絕對唔夠㗎。地區直選係好難 vote out 親中派,要靠區議會同功能組別,同埋期間唔可以停止抗爭同宣傳,要營造鼓勵大家一齊投民主派(傳統/本土都好)的氛圍。

仲有,就算地區直選真係 19 變 22 或 23 席聽落唔多,但都係有用。目前民主派在功能組別有 10 席,超區 3 席加教育界、法律界、社福界、衛生界、IT 界、會計界、醫學界。加落 22 或 23,就變成 32 或 33,差不多過半了。

如果區議會選舉取得過半,which 大家積極參選(好多區仲係冇民主派候選人)同投票係有機會,就又多一個區議員互選功能議席,變成 33 或 34。區議會成日好似民主派好弱勢咁,但其實依家已經有超過 4 分 1(12X/431 席),即係下屆每 3 個親中派輸 1 個就夠過半㗎啦。

如果再取回建築界(上次姚松炎贏但被 DQ),變成 34 或 35,過半在望。

跟住向咩界別埋手好?請看下圖。一個係個人票都多的工程界。但始終工程界靠大白象維生,同民主派唔多啱啞,未知有幾大機會成事。

另一個係批發零售界。雖然民主派向來冇咩票,但請留意現任的邵家輝都唔係好高票,上次選舉只有 3 分 1 選民有投比佢,大部分冇投票。仲有其實選民資格唔係咁高,你係啲無厘頭小商會的成員就可以登記㗎啦。

體演文出,主要係近年馬逢國比業界內都鬧得越來越多,唔可以忽視依個界別。

最後係飲食界。張宇人得票係難超過,但包括依個界別主要係因為易做選民:你有個食肆牌照就登記得㗎啦。

得票率係得票/投票總數,支持率係得票/選民總數(作者製表)

得票率係得票/投票總數,支持率係得票/選民總數(作者製表)

 

作者 Facebook