立場新聞 Stand News

抗爭

2015/6/1 — 14:44

「袋住先」此三字已經無效,中央講明香港未來任何普選方案都必定要有跟隨831框架下的狹窄篩選機制,「袋一世」已成鐵定的事實。可惜本人一向反叛, 一向相信形勢越是嚴峻,人的潛能就越能得到發揮。

如果仲有人好似黃成智之流妄想「袋住先」會為民主進程行前一步,我只能當你係賣港賊看待。就好像金魚佬用糖果引誘小朋友,到最後咪又係比人侵犯,掙扎起碼有逃走的機會。

中央所謂既有商有量,基本上係得佢講,港人只係收order做野。香港既發展潛力已經到了一個頂位,沒有了法治,沒有了跟中國的明顯對比,香港的競爭力只會每況愈下。20年後我地連大連,昆明都追唔上。下一代的命運如同奴隸。 當香港已經到達抗爭之年既高高潮. 我只能說一句: 改革左翼,右和本土,北抗中共。企硬誓不認命。

廣告

改革左翼,右和本土,北抗中共。企硬誓不認命。

但為何要改革左翼,右和本土,北抗中共呢?

廣告

馬丁路德金的公民抗命有四個步驟:

- Collection of facts to determine whether injustices are alive.(了解社會探索是否真的有不公義的事情發生)
- Negotiation(談判)
- Self Purification(淨身淨心,準備和理非抗爭)
- Direct Action(直接行動)

直接行動是為了讓問題浮面,使到社會氣氛緊張,讓不公義的事情成為社會焦點。而馬丁路德金的直接行動就是為了第二次談判的機會。他的成功是因為美國政權有民主基礎,政府為了選票,為了得到大眾支持,為了穩固自身的政治利益,所以願意跟他談判。

但此等方法在香港適用嗎?盲目的和理非行動能開展談判嗎?談判了又如何?咪又係原地搭步。依家既勇武派又有用嗎?叫雨傘做革命既人收皮啦,10幾條速龍就打爆你,自我感覺良好夠啦。醒未啊?唔好同我講係革命,如果係革命既,就係切底既失敗,政權有改過嗎?既然兩方面都唔work,點解唔去思想下點樣合力,勇武派和以不合作運動為主導的左翼合作,多元化抗爭。在香港每一個角落發起不同的行動,讓中央知道佢地既施政正係亂港既根源。

我的過去並不光彩,黑材料大把,放馬過來,我就係一個鍾意同死神角力既人。

6月立會見。

發表意見