立場新聞 Stand News

拉票

2016/8/31 — 18:29

資料圖片 ( 11月22日區議會選舉,有老人途經各候選人的拉票團隊 )

資料圖片 ( 11月22日區議會選舉,有老人途經各候選人的拉票團隊 )

立法會選舉近在眼前,各式人等拉票也都進入埋身肉搏狀態。

工聯會今年毫不掩飾的引入大陸退休人士助選團幫忙拉票,口口聲聲維護打工者權益、卻毫不掩飾賣港求榮、諂上媚共的嘴臉。

筆者前兩日傍晚路過砲台山地鐵站附近,看見三數個講國語、上年紀、着同款工聯會T 恤、戴同款cap 帽的人士在互相查問:

廣告

你還有多少張派完?

今天總共派了多少張?

廣告

要派多少張才算完成任務?

大巴七點鐘接人,派不完不夠時間吃飯。

沒關係,過關後有人請吃。

由工聯會助選團擺的街站,在東區一帶更是朝九晚七、日吵夜嘈,似乎民建聯都不夠它風頭勁。而同區泛民街站,幾乎不見踪影。

如何突出建制派洗腦式拉票的重圍?四個字:身體力行!

今日約了曾經幫我湊過仔的一位婆婆飲茶。我識得她兩公婆多年,一年中總有幾次走動,平日絕不會談時事政治。

今次不同,點心未上我已經開門見山:過幾天投票,婆婆你哋兩公婆揀咗未?投邊個啊?

公公:今年唔投,沒一個好。

我:點解?

公公:我以前工聯會度做,真系當佢係家。宜家你睇,佢哋成個共產黨咁款,好得人驚!

我:你唔中意王國興、郭偉強?

婆婆插話:唔中意呀!嗰個王國興,要投票了先至來我哋屋苑,帶埋我哋行尼度行果度,應承尼樣應承果樣,鬼唔知佢係拉票咩?選完得個橘。

我:但是你哋唔投票佢兩個選到概機會仲高呀。

公公婆婆:點解呀?少啲 人投唔係少啲票咩?

啊,原來他們不知道還可以有別的選擇。我拿出選委會寄來的候選人資料,再從手機調出滾動民調結果,逐個向婆婆公公講解每個候選人的背景和選情以及勝算,無需多費口舌,他們很快便悟出:不投票太嘥,投票有可能踢走自己最不中意的候選人。多啲人投票,多啲勝算。

投邊個呢?公公婆婆不喜歡激進本土、認為傘運世代涉世未深經驗不足,最終他們傾向於支持的,是有地區工作經驗、年青一代的非建制派。他們選擇的理由無他,只是不想看著香港變成大陸一樣。

不要以為公公婆婆都是容易受人擺佈的公仔,他們缺少的,可能只是幫助他們做出選擇的資訊。

飲餐茶,我為非建制陣營拉了兩票,通過他們,希望能拉到更多的票。

 

發表意見