立場新聞 Stand News

指周庭一雙手是勞碌命 何君堯:勸佢多返內地 淨係識睇日文 從日本人角度了解件事 太狹隘咯

2018/2/4 — 15:41

何君堯 (fb直播截圖)

何君堯 (fb直播截圖)

建制派議員何君堯表示,奉勸被DQ的香港眾志周庭多去內地,重投祖國懷抱,做好自己表現,過兩年再參選。「點解自己困住自己,淨係識睇日文,從日本人的角度了解件事,太狹隘咯」。他又指,「睇女仔對手靚唔靚,可知有無福氣」,認為周庭的手不是十分多福氣,「比較勞碌啲」。他又認為,律政司在檢討黎智英捐款案等的表現不如理想,裁減3分1員工並非不合理。

何君堯昨晚在facebook直播表示,高鐵即將通車,往返大陸好方便,奉勸周庭多去內地,「唔好被人洗腦,認知祖國係邊度」,做好自己表現,重投祖國懷抱,行為真誠不搞港獨,人家聽其言觀其行,再過兩年或可參選。他又希望,年青人應將選項擴闊,「點解自己困住自己,淨係識睇日文,從日本人的角度了解件事,太狹隘咯」。

何君堯又指,周庭的樣子「仲係BB女、即係後生女一個」,「我覺得佢算係辛苦小小」,「睇女仔對手靚唔靚,有無福氣,夠唔夠圓渾等等,有啲啟示」,「佢(周庭)手比較骨節,茶小小啲手,比較會係不是十分多福氣嗰種的手,比較勞碌啲,未必一定唔好,希望佢從好方面鍜練,行正路鍜練」。

廣告

同時,他又提到,近日律政司決定不檢控黎智英捐款案的一眾涉案人士,認為問題不能歸咎律政司司長鄭若驊,而是刑事檢控專員(DPP)的職責,又指律政司在雙學三子公民廣場案及藐視法庭案的處理均未如理想,認為在檢控方面好有問題,幾百個律政司員工裁減3分一,「並非不合理,焯焯有餘」。

他認為,律政司本身已積存有大問題,非鄭若驊可扭轉,需要強人,但不需一個比紙更白的人,反而要一個堅定立場的人。何君堯推薦資深大律師胡漢清,認為「佢個底花哂」,好似「磨砂玻璃」,但是一個有能力有guts的人,治亂世用重典,胡已表心跡,又有忠誠熱誠,可幫到香港。

廣告

發表意見