立場新聞 Stand News

指學生虐待長者 李國章:學生有咩根據不滿?我係咪殺人放火?

2015/7/29 — 0:48

港大校委會維持「等埋首副」決定,繼續延後處理副校長任命事宜,在外圍堵的學生衝入會議室要求交代。成為眾矢之的的校務委員李國章被傳媒追訪,問他覺得自己是否需要負責,李國章反問「負責咩?」,又問現時是不是文化大革命。他指學生行為可由外界評價,但形容「我係受害者,咁你要虐待長者,冇法啦,如果你要虐待長者我都唔可以阻止你㗎?(即係覺得學生虐待緊你?)咁你話唔畀你走,唔畀你食飯,唔畀你出去,係咪軟禁你呀而家?」

李國章又質疑學生「點解佢哋不滿?佢哋有乜根據不滿唧?你講畀我聽我係咪犯咗罪?係咪殺人放火?」他強調校委會的決定不是他個人,而是整個校委會所作。

對於《明報》前總編劉進圖透露,有校委托中間人傳話勸退陳文敏,有報道指委托者為李國章,李國章指自己可以發誓絕無此事,又表示「我都唔識陳文敏;冚把冷都係假,一句講晒…有證據咪叫佢攞出嚟。」

廣告

「我可以發誓,我冇叫過咩中間人,去見呀劉進圖先生,叫佢委任咗就辭職,完全冇一件咁嘅事,我可以發誓。

我唔知劉進圖啲資料喺邊處得返嚟,但係我可以從我自己立場講,就係冇一件咁嘅事…如果係有個中間人,叫呀陳文敏講呢個中間人係邊個囉?問呢個中間人,係咪李國章叫你見劉進圖囉?…如果佢講唔出呢啲人出嚟,咁你哋自己做個判斷啦。」

被問到自己為何被學生針對,李國章指可能因為他是特首梁振英委任,而學生不喜歡梁振英,因此梁振英委任誰也不喜歡。他又稱,自己何時都樂意與學生見面,但校委會的事宜則要由校委會主席出面。

廣告

至於對局面如此有何打算,李國章回應:「有咩打算?我想返屋企食飯,哈哈哈哈,你哋(記者)都想返屋企食飯,你哋都肚餓啦吓話?」

相關報道:

無綫新聞

明報

發表意見