立場新聞 Stand News

指李波事件情節像《表姐妳好嘢!》 張堅庭:劇本甩漏 荒謬劇變現實得人驚

2016/7/11 — 15:15

90年代電影《表姐,妳好嘢!》中的對白「聯合聲明,完啦!一國兩制,完啦!基本法,完啦!」近日再被網民熱傳,電影導演張堅庭接受商台陳志雲《雲常開》訪問時表示,「笑話當時只係笑話,但當最後變咗真實,啲人就有恐懼」,至於電影中哪些情節與現實相似,張堅庭指「李波事件都幾關鍵性」,並以劇中對白「我搵大飛押你哋返大陸受審」作例,「(書店事件)劇本寫到都幾甩漏,又好難自圓其說,有哂一切當年荒謬劇嘅標準,變成現實咁先至得人驚」。

張堅庭於訪問中表示,沒想過《表姐,妳好嘢!》這麼成功。他憶述,六四到過北京,希望將情況寫下,但不想太硬和太悲情,故將角色由「表叔」改為「表姐」,「多咗啲浪漫,同埋女性做啲不可理喻的嘢會同情架嘛」。而「表叔」一角本希望由郭峰飾演,但後改為鄭裕玲飾演女公安。

對於電影中不少情節與現今現實相似,張堅庭指,情節只是誇張,根本不是預言,「笑片一定要荒謬,唔係好真實,先好玩」,但當年某些情節與現實相似,「笑話當時只係笑話,但當變咗真實,啲人就有恐懼」。

廣告

張堅庭透露,當年尋找投資者時,嘉禾電影創辦人兼電影製作人何冠昌曾於開戲前打電話給張,問他「套戲驚唔驚呀,講大陸公安喎」。當時,「影響鄰近地區關係」也是檢查條件之一,後來電影、報刊及物品管理辦事處檢查電影,通常一個下午便能完成審查,但《表姐,妳好嘢!》卻要多點時間。

無想過大陸市場 「要拍本土戲可以大膽啲」 

廣告

張又表示,他曾一度被內地列入黑名單,因為當時國家主席當召見電影局長,以為《表姐,妳好嘢!》是內地電影,「這個小伙子害我(電影局長)給國家主席鬧」,電影局故將張列入黑名單一至兩年。

張又自言,當年無想過入大陸市場,現在就一定不會再表姐系列,「要拍本土戲可以大膽啲,但如果拍套戲要喺中國大陸上,就肯定唔會去......有人叫我拍(表姐)第五、第六集,我話『畀錢我都唔拍啦,將啲錢倒落海咩唔通』」。

「個時唔會有人特別招呼你」 

談到當年沒有陳淨心、黃安等人舉報別人,張說「個時做啲咩嘢唔會有人特別招呼你」,但認為舉報是會做成心理陰影;而李波事件後,港人反應相當大,相信是因為事件「殺到埋身」,恐懼相當真實。

被問到香港電影是否風光不再,一定要合拍片,張直言,從市場角度看,是要拍合拍片。不過,香港仍有空間拍劇,拍電影成本少了,可以拍到自己想拍的。他認為,若要進入大市場就按那市場需求而拍,若在香港拍,就按自己需求,「分開佢囉」。他直言,香港沒可能回到電影業黃金年代,但香港電影人的黃金年代就正開始,服裝指導、美術指導也很吃香,若「唔搞政治的話」,商業片在大陸也很大需求。

 

發表意見