立場新聞 Stand News

指記者圍影生亂 梁唐青儀:無論大家幾不滿現狀 齊昕係無辜嘅 望勿再騷擾

2015/11/2 — 15:45

特首梁振英次女梁齊昕,昨日凌晨在蘭桂坊與母親、特首夫人梁唐青儀爭執,梁齊昕掌摑了母親兩巴;梁振英對事件無回應,梁唐青儀則於今午表示,當晚是因為有四、五十名記者包圍,才造成混亂,又指有記者當時「拉開我車門,想衝上車」。她指現時齊昕情緒「需要休養」,呼籲傳媒不要騷擾齊昕,又指不論傳媒、網民對現有政制多不滿,「齊昕係無辜嘅」。

梁唐青儀今午出席活動後見記者,強調齊昕是善良的女孩,當日是想保護朋友不被傳媒拍攝,又指齊昕當晚「有啲飲醉酒」。梁唐青儀指記者「有四五十個人圍住我架車,仲有傳媒朋友,拉開我車門想衝上車」。她呼籲傳媒給齊昕空間,不要騷擾她,特別是她的私人活動。

梁唐青向記者發言如下:

廣告

你哋而家咁嘅情況(指記者圍訪),就造成嗰晚嘅事情發生。

我想話,齊昕係一個好好心地、好善良、好鍾意動物嘅細路女,佢好保護、好關心佢嘅朋友,嗰晚佢同幾個朋友喺一間餐廳慶祝萬聖節,離開時佢朋友想叫架車返屋企,但一行出餐廳,有四五十個記者圍住蜂擁上去影相,佢哋根本截車都截唔到,係佢朋友打電話叫我搵架車落去接佢。

我想話畀大家知,當我架車去到,個場面係混亂過而家幾倍,有四五十個人圍住我架車,仲有傳媒朋友,拉開我車門想衝上車,齊昕朋友扶住佢上車,你哋嘅朋友(傳媒)四五十個湧埋嚟圍住佢,中間有啲推撞,齊昕想保護朋友,唔想你哋影到佢朋友,我深信佢嗰晚有啲飲醉酒,嗰晚嘅行動唔係想冒犯任何人。

而事後,有啲傳媒報紙報道有啲粗口講過啲嘢,我喺現場係聽唔到,我喺呢度想呼籲大家傳媒朋友,請你哋畀啲空間畀佢。無論傳媒朋友、網上朋友,無論你哋對而家嘅現狀、政制有幾咁唔滿意都好,齊昕係無辜嘅,更多唔關佢朋友事,請你哋以後喺佢嘅活動,尤其是私人活動,唔好騷擾佢。佢嘅情緒,係需要休養,OK?請你哋畀啲空間佢,多謝大家。

相關報道:

廣告

商業電台
香港電台

發表意見