立場新聞 Stand News

指許智峯不適合再任議員、留黨 劉慧卿:民主黨須顯示處理危機能力

2018/4/26 — 18:41

背景圖片來源:無綫電視片段截圖

背景圖片來源:無綫電視片段截圖

民主黨立法會議員許智峯搶奪行政主任手機,民主黨今晚會召開中委會處理事件。而在會議前夕,民主黨前主席劉慧卿接受《立場新聞》訪問,她指她個人而言,認為許智峯不適合繼續擔任議員,亦不適合留在民主黨。問到許智峯應該怎樣做才可獲得原諒,劉慧卿認為許智峯應站出來進一步交代事件,「我哋見到佢而家出來交代好唔足夠嘛,佢想點樣佢自己出來再講清楚」,而在訪問結束後不久,許智峯在立法會內鞠躬道歉。

劉慧卿指自己雖然是普通黨員,但都收到市民意見,對事件非常震怒。她認為民主黨領導層必須要好認真、好嚴肅去處理這件事,「這是一次危機 .... 今晚中委會,就畀社會睇到民主黨有無咁既智慧,咁既能力去處理自己黨內危機囉,如果這些危機都處理不到,你點幫香港處理危機呀?咁呢個係對民主黨一個考驗來」。

她認為民主黨在譴責動議中投票意向,相信待中委會召開後,民主黨領導層再決定,「你唔係一返來就即刻有讉責動議,你可能要成立個委員會去調查各樣嘢。」劉慧卿期望所有中委都回來開會,商討處理事件,然後再由黨領導層召開記者會向公眾交代。

廣告

劉慧卿在接受《蘋果動新聞》訪問時表示,除了市民,亦收到來自商界及專業界別的人士的意見,對事件感到不滿。她亦暗示民主黨處理方法,可能影響市民對民主黨的睇法:「民主黨嘅底子係好厚,但市民對呢個人(許智峯)係好不滿,所以有啲街坊係分得開,但仍然要睇民主黨係點樣處理呢件事。」  

廣告

發表意見