立場新聞 Stand News

接受有線訪問 范徐麗泰:新一代議員「有票大哂」心態 拒絕溝通

2017/11/19 — 13:59

全國人大常委范徐麗泰

全國人大常委范徐麗泰

將於年底卸任的全國人大常委范徐麗泰接受《有線新聞》專訪時,批評新一代立法會議員「有票大哂」的心態,拒絕理解及溝通,「新入去議會嗰啲,我睇到佢都唔想同你傾,『有幾多萬人選我嘅,選票大晒,我代表咁多人,你敢郁我咩?』嗰種咁嘅心態,大佬,唔係咁樣樣」。

即將卸任全部公職的她,亦說出「臨別贈言」,「即使對抗你、同你意見不同的人,佢都係一個人,都係值得你嘅尊重,不要將佢哋妖魔化,因為當你妖魔化佢哋的時候,你自己都開始妖化。」

有指中央近年治港變得強硬,范徐麗泰表示,中央的治港原則無變,變的只是手法,「以前不是實話實說,不講得好白,查找不足已經是好大件事,但我哋聽唔明」,她認為,習近平不講套話,「實話實說」,「反而好咗」。 

廣告

全國人大3年前提出8.31框架為普選設限,范徐麗泰表示,當時有如實反映民主派聲音,但結果人大8.31框架以170票全票通過。她認為,若港人繼續不接受831,重啟政改將不可能,又批評民主派當時為了自己的政治前途已抗拒8.31,「啲西方朋友係咪話佢哋應該要接受呀,而佢哋唔肯接受呀?因為驚自己將來,個黨又好、個人又好,選票會大大減少吖嘛」。

廣告

發表意見