立場新聞 Stand News

提委會601席的篩選騙局

2015/4/28 — 13:18

【文:Joey】

政府宣布「過半數出閘」方案,每名提名委員最少支持兩名參選人。

林水女娥,妳有冇睇過 weakest link? If I have one best candidate in mind, would I put up a "second best" in the competition? 搬石頭㧜自己腳,咁蠢!

廣告

既然李慧琼係「眾望所歸」,咁葉劉淑儀當然「冇得留低」啦~遊戲係咁玩,game theory,一定係揾李偲嫣、陳靜心陪跑架嘛,right?!

中共比你2017:1、李慧琼;2、李偲嫣,你叫我「一人一票選特首」?

廣告

就算 97% 香港人投白票,只要 Starry Lee 有2%票,都夠能撼贏偲嫣 1%,「成功當選特首」,哇,屌!

豈只泛民要反對政府方案,葉劉、美芬、嫻姐都要反對啦!

曾任梁振英競選辦副主任、現任團結香港基金會顧問團成員劉炳章,在港台播出的訪問中坦言:為了增加心儀的參選人當選的機會,出於策略性考慮,把另一個提名出闡的席位給予競爭力較弱的參選人,「是自然的事。」~人之常情呀!

蔣麗芸都識:「如果只得梁振英、何俊仁,咁就馬上叫鍾樹根報名參選啦!」

每個提委提名兩票:2017 梁振英 + 鍾樹根!

香港人,你還在幻想有機會食屎有得食著豆?

只要操控601個提名委員,已經可以決定賽果,其中,由中共直接挑選的人大代表、政協委員,佔 87 席。

《立場新聞》按現行選舉委會的「1200人四大界別」選民基礎,計算出 22 個選民基礎最少的界別分組,已能控制未來提委會過半門檻 637個提委,這些組別的提委涵蓋不足萬名「選民」,主要為親中團體、公司票選出。倘若政府的方案通過,不足萬名「選民」選出的 637 提委,已可決定什麼人可以出閘,決定特首最終大局。

有屎,食住先?「等待優化」??

2010年區議會改良方案「起錨」,2012立法會增加五個民選議席,然後又點?

2016 立法會組成寸步不改,功能組別、分組點票千秋萬代!

行差踏錯,政府失信!

李飛 83.1 訓政,你咪已經「一人兩票囉」~ 死未!

香港人,你唔食屎,就屎都冇得食。

你食咗屎,以後世世代代都係食屎!

 

作者簡介:作為一個香港人,時刻發揮厚多士精神,生活上眼見怪事、錯事、愈來愈過份,一於插到佢暈!Never be afraid to say what you feel - You can only die once.

發表意見