立場新聞 Stand News

【預演特首暗戰?】曾俊華自言開FB接觸青年 葉劉:賣口乖解決不了問題 我FB都有6萬5個followers啦!

2016/2/24 — 19:40

儘管財政司司長曾俊華在今日的財政預算案記者會上,被多次追問下稱未有考慮明年參選特首的問題,但一直被認為渴望競逐特首的新民黨主席葉劉淑儀,今日被問到曾俊華是否已熱身選特首時,仍稱「有啲人可能咁諗,但選特首唔係淨係賣口乖」,又稱如果真的關心年輕人,應反省當財政司長8、9年,年輕人的向上流動空間仍然少。她又指自己Facebook專頁也有6.5萬跟隨者,下月又會帶大學生去泉州,認為「每一位從政者都應該關心青年人」。

葉劉淑儀今午回應預算案時指,在公關手法上曾俊華很聰明,站在「香港仔」立場發表很多感嘆,例如指出社會撕裂等,卻未有提出解決方案。

她又指,「選特首唔係淨係靠賣口乖,講啲香港人啱聽嘅說話都未足夠,因為既然你咁關心青年人,咁你應該反省下,你做咗8、9年財政司(司長),我哋大學生出嚟嘅starting pay有冇增長.....向上流動的空間係好少,呢啲問題只靠賣口乖就解決到。」

廣告

被記者追問會否支持曾俊華做特首或者把她嚇退,葉劉淑儀稱,「我哋今日唔好討論呢個問題,我哋講預算案,唔好太多節外生枝嘅猜測。」

不過,新民黨副主席田北辰指出,曾俊華在預算案中提到,他特別開設Facebook帳戶接觸年輕人,周末又回到學校教劍擊,認為他有刻意與年輕人溝通。話音一落,葉劉淑儀隨即表示:「我個Facebook都開咗7、8年啦,我個Facebook Page都成6萬5個followers啦。我下個月帶150個大學生去泉州,咁我諗都唔代表乜嘢嘅,因為其實每一位從政者都應該關心青年人。」

廣告

發表意見