立場新聞 Stand News

揭鍾國斌反對自由黨 6.9 聲明撐政府 田北俊籲張宇人辭行會

2019/7/8 — 10:00

田北俊(商台截圖)

田北俊(商台截圖)

自由黨榮譽主席田北俊今早在商台上表示,政府在修訂《逃犯條例》工作上做得不足,既然官員不下台,行政會議應該重組。他透露,自由黨4名榮譽主席包括周梁淑怡、劉健儀及方剛等,將去信黨主席張宇人,建議他辭去行政會議員成員一職,「如果你繼續做自由黨主席,就不要做行政會議成員。」

田北俊批評建制派議員沒有扮演到應有角色,「建制派議員的概念應該是盡量支持政府,即是泛民乜都反對果啲,例如特首致謝動議、財政預算案等等。但有些時候作為建制派議員,都要睇住你政府過哂位時,我們都要拖住吓。」田北俊重提上月 9 日百萬人上街反對修例後,特區政府在當晚 11 時發公佈指會加強向公眾解釋,但修例草案會如期在當月 12 日提交立法會大會二讀,「當時我睇電視,都覺得好奇;點可能 100 萬人或者幾廿萬人遊行,你政府可以咁倉促,特首即刻話如期做,咁你當個 100 萬人係無行過,但你覺得真係你解釋不足?或者啲市民真係唔清唔楚?」

田北俊:你哋果四個議員「揸FIT」搞乜?

廣告

田北俊續指,很快收到自由黨發出支持政府通告;雖然聲明是指自由黨尊重民意,但仍支持政府修例。他即時致電自由黨黨魁鍾國斌,指包括他在內的四名個榮譽主席,包括周梁淑怡、劉健儀及方剛,「平時都唔係我哋揸FIT,你哋果四個議員揸FIT,你哋搞乜?」除了鍾國斌及張宇人外,自由黨在立法會內還有邵家輝及易志明。「鍾國斌同我講係反對,但張宇人是行會成員,就全力支持政府,『講掂埋』易志明及邵家輝,自由黨就出咗聲明,名都無人簽就話支持。」他又引述鍾國斌指是「三對一」,「鍾國斌話我直頭唔肯簽名,自由黨封信出來係無人簽名。」

田北俊指自由黨在這時犯下很大錯誤,「民建做呢樣嘢,可能我哋預咗......我們都未睇清楚,又加埋把咀,相信大部份市民見到,如果係咁,6 月 12 日無得救,一定會上立法會,咪圍攻你立法會。」田北俊指,政府如期上會的決定,結果導致事件往後發展。

廣告

他解釋,自由黨的聲明太過倉促,「無用過腦諗清楚」。他重提 2003 年廿三條立法情況,「果時我們就覺得,如果我們繼續支持政府,從建制派角度講、從支持政府角度講,我們都覺得不是一件好事......等如政府撼到埋牆,你要拖住佢。所以我們當年唔支持(廿三條上立法會),係救咗董生一馬。」田北俊坦言,自由黨議員在事件中猶如「幫兇」,而其實有其他議員亦會因為自由黨立場而轉變,「只要講諗諗,我細佬(田北辰)同石禮謙又諗諗,只要係諗諗,政府就開唔到會。」

點名湯家驊及葉劉淑儀 應問責辭任行會

田少又指,去到昨天的九龍遊行,仍有大批市民參與,雖然可能當中夾雜其他因素,但整個起因仍是《逃犯條例》修訂問題。他又指,收到很多青年黨員意見,事件至今無人負責,又沒有下台,而且行政會議成員亦應該重組,「支持那一班行政會議成員,被炒就難聽一些,但最好就辭職。」田北俊指,最好張宇人辭去行會議席,「我們建議他繼續做自由黨主席,你就唔好做行會成員。因為成個概念,係你應該代表個黨,去政府行政會議,表達我們的意見;而個黨應該表達市民意見。」

由於司局長由中央任命,但行政會議成員由行政長官委任,田北俊認為林鄭月娥可以自行決定,而自由黨就自己先呼籲撤換自己的代表。田北俊承認,自由黨在廿三條後分裂成經民聯,如果今次張宇人一旦退黨,自由黨可能會成為「一、二人黨」,但他指張宇人如同「政府坐係自由黨(代表)」。田北俊又點名行會成員湯家驊及葉劉淑儀,「你(指湯及葉劉)叫我勇往直前,最少兩位係公開講好支持個條例,他們判斷形勢判斷得咁錯誤,你係內閣(成員),應該點做先?係外國就炒咗好耐。」

 

 

發表意見