立場新聞 Stand News

揶揄CY講一帶一路不提李波 田北俊:特首不關心一國兩制能否守住?

2016/1/13 — 17:48

特首梁振英今午發表的施政報告,大量提及一帶一路相關政策,但對部分泛民主派議員要求關注銅鑼灣書店股東李波失蹤事件的抗議行動視若無睹,對此,就連份屬建制派以及商界的自由黨榮譽主席田北俊,也表示不支持,並在Facebook質疑梁振英並不關注李波失蹤和一國兩制是否守得住。

田北俊首先在自由黨於施政報告後的記者會稱,梁振英將「一帶一路」講到天花龍鳳,認為只是「做畀中央睇」:

「你一帶一路全部都係講緊啲天花龍鳳嘅大投資,香港啲中小微企,冇可能參與到,所以我都同意Filex(鍾國斌)講,佢根本係做畀中央睇。 作為行政長官,最緊要係有啲嘢你想做,跟住就要做得到,咁先叫做行政長官......而家七成(任期)時間,你做咗四成嘢,淨返年幾你仲咁多建議嚟做咩呢?你不如落實返你以前講咗,做唔到啲嘢先啦!」

廣告

他認為,施政報告應提出未來一年的工作,但報告部分措施,要待數年後才可落實,卻未有措施協助現時已處於水深火熱的零售及飲食業。他指出,若要爭取公眾對施政報告的支持,應要處理大家現時最關注的李波事件。他又指,個人現時不會支持梁振英連任,他對梁振英的施政方針沒有太大意見,但現時立法會運作,令很多政府提出的措施都未能落實,除非梁振英改善與泛民的合作關係,否則不會支持他連任。

田北俊及後在其個人Facbook繼續揶揄梁振英:

廣告

「特首在施政報告提咗『一帶一路』38次。而李波一次都唔提,乜特首唔關心『一國兩制』仲守唔守住㗎?等我有機會問個究竟先!」

發表意見