立場新聞 Stand News

撐女性做特首 李力持:多likes可做領袖?食屎都好多likes

2017/3/22 — 18:34

李力持(背景圖片來源:「幫港出聲」片段截圖)

李力持(背景圖片來源:「幫港出聲」片段截圖)

曾拍片嘲諷真普選訴求的香港導演李力持,最近為親建制團體「幫港出聲」拍片,分析女性從政者的好處,更指「男特首做完,咪女特首做吓」,並不點名指「有人」喜歡發網誌,質疑是否「多likes」就可做領袖,更指「嗰個咩食咩pat pat(屎)都好多likes,不如嗌佢出嚟又議吓政吖?」

有網友留言指「感謝」李力持:「感謝讀者提供笑料。」

分析女性:狼起上嚟幾專注

廣告

「幫港出聲」昨傍晚上載李力持的短片。李力持於片中強調女性的好處,指女性從政者一施展溫柔,「係男人都死」,「感覺上女性如果係狼起上嚟都幾專注」。他又指,如在劇組要有女副導、女製片,專是應付女性,調解一下,「有啲嘢係女性嘅強項囉」。

對於「點睇香港出個女特首」,李力持表示:「男特首好抑或女特首好?咁而家男特首做完,咪女特首做吓囉。係咪呀?到女做得厭,咪男去做吓囉。」

廣告

李力持更不點名批評指,「有人」喜歡發網誌,頗為成功,形象也頗為親民,但李質疑:

但係識玩網誌、識玩Facebook喇?多啲likes喇,咁係咪就係我哋嘅領袖?如果呢個係標準,唔該嗰啲網紅(網上紅人)冚𠾴唥出嚟啦,一齊去參加吓啦,係咪?如果多likes就表示叻嘅,好多好多likes嘅,嗰個咩食咩pat pat(屎)都好多likes,不如嗌佢出嚟又議吓政吖?

發表意見