立場新聞 Stand News

撐發展郊野公園 施永青自言支持環保 批有人阻香港解決住屋問題

2017/1/25 — 15:56

資料圖片:施永青,圖片來源:城市大學

資料圖片:施永青,圖片來源:城市大學

中原集團主席兼總裁施永青昨日撰文,發表驚人的支持發展郊野公園土地論述,包括「環保只是人類自己弄出來的概念,地球可沒有這樣的需要」,引發爭議。他今早解釋時,多番強調自己十分支持環保,但「冇理由為咗環保而犧牲人嘅居住」。他又批評,有部分人經常阻礙香港解決住屋問題,「成日都想香港人好不滿,咁先可以變為佢嘅政治籌碼」。

施永青昨日以〈郊野公園神聖不可侵犯嗎?〉為題撰文,支持動用郊野公園土地,表示「郊野公園的界線是人劃的,不是神劃的,沒有理由不可改。」又指「環保只是人類自己弄出來的概念,地球可沒有這樣的需要。」他又說「很多『環保人士』,自己已有樓住,還要攬着郊野公園不放,可有考慮過住在劏房的基層。」引來很多環保人士反彈。

他今早接受商台節目《在晴朗的一天出發》電話訪問時,為上述言論解畫,自言「出錢出力」支持環保,但「冇理由為咗環保而要犧牲人嘅居住」,又指居住對環境的破壞其實很少。他稱居住需要是天然需要,「都出世咗,你唔畀我出世?射我去月球?如果唔係我喺地球上總要住㗎喎!非解決不可嘅問題嚟㗎嘛」。

廣告

他又指,只是建議重新規劃,「規劃完可能多咗(面積)都唔定」,認為不能每事只看某一部分人的利益或理念。

被問到這說法是否涉及其地產業界利益關係,施永青表示:「業界利益就..... 其實最大利益係阻住人哋攞地,嗰啲地就越來越值錢,香港啲發展商有好多土地㗎嘛,咁少啲土地出嚟,佢已經起成(樓宇),手上嘅地咪越值錢囉。有啲環保組織,你查清楚吖,都有接受發展商畀錢佢㗎」。

廣告

主持人追問若他希望解決住屋問題,為何反對壓抑樓價的「雙辣招」政策,施永青指,現時大部分港人都住得不好,所以要換樓,又稱「政策要講實效嘛,做咗之後連交投都冇,點令資源落入有需要嘅人手上呢」。他又重申,為養活香港人,在世界其他地方破壞環境,反問「你估我哋保住嗰少少郊嘢公園就可以贖罪咩?」

 

發表意見