立場新聞 Stand News

撐盡早為 23 條立法 田北俊:愈遲愈辣,中央幾年後更強勢

2018/11/16 — 11:48

自由黨黨魁、立法會議員鍾國斌將提出有關《基本法》第23條的動議辯論,就立法程序進行諮詢及討論。2003年辭任行會、迫使23條立法草案擱置的自由黨榮譽主席田北俊,今早在商台節目上力撐盡快作廣泛諮詢,就23條立法,原因是中國只會愈來愈強勢,香港只會變得更弱勢,「(中央)5年、10年後仲強,到時討論都嘥氣,鍾意點立就點立。」

他又說,「如果搞到2047年,我不排除到時23條,變咗國安法 … 我唔係危言聳聽。」

田北俊今日在節目上稱,「未來5年、10年,中國發展都繼續強過香港,你睇睇03年中國係點?今日中國係點?未來5至10年,我哋個勢對中央來港,利用價值又好,都會細過而家,而家又細過03年好多。」

廣告

田北俊認為,未來香港對中央的利用價值會愈來愈小,需要「審時度勢」,「愈遲就愈辣」,「(中央)個勢好強,我會覺得,5年、10年後仲強,到時討論都嘥氣,鍾意點立就點立。」

田北俊指出,2003年立法版本寫明的「以言入罪係唔得,行動要暴力」,已經難以處理今日的問題,「如果當年23條過咗,這幾年發生的事是拉唔到佢哋 … 學生貼香港獨立,係有行動,唔係暴力。在FCC講嘢,是否算暴力行動?」他認為,今日再立23條,必然較2003年為辣,只是「睇下辣幾多」。 

廣告

田北俊:未立23條   中央、特區政府任意話事

因此,他贊成自由黨議案,盡早透過廣泛諮詢就23條立法,「如果應廣泛諮詢港人意見,就算辣一些,中央肯接受,都有個『譜』。」他認為,現時23條未立法,反而無法可依,「而家反而任得政府、中央講晒 … 你睇最近劉小麗唔畀選,法例係咩先?… 根本無,無王管,唔係市民着數,是政府任得點做就點做。」

田北俊指出,2003年有七八成人反對23條立法,「當時沒有人港獨」,「而家既然有港獨,我覺得要處理,若果唔處理,中央及特區政府任意話事,而家可以做嘅嘢,仲多過法例所訂。」

田北俊指出,香港有了23條立法,起碼在意識型態上符合中央個別強硬人士的要求,「服侍了北京的『惡爺』,北京內的鷹派 … 那普選行政長官,又可否有信心一些?」他指出,中央內有鷹派、鴿派,「中央都好難做。」

 

發表意見