立場新聞 Stand News

【擲杯案】供稱事發後非常震驚 錄影卻顯示無反應 梁振英:震驚即是freeze

2016/4/22 — 15:49

立法會議黃毓民在立法會擲杯被控襲擊案,下午在庭上繼續播放案發時閉路電視錄影。

梁振英早前供稱,他在玻璃杯掟出後,玻璃撞擊散落一地,他聽到玻璃碎令他非常震驚。但黃毓民指出錄影顯示,梁在事發時,短短3秒的時間「仲企係度郁都唔郁」,是沒有反應,「喺畫面睇到你係無反應」,質疑他指自己震驚的說法。但梁解釋他所指的震驚,「用英文嚟講,係freeze咗係度」,即引起全場哄笑,梁自己也忍不住笑。

睇片認唔出自己

廣告

黃毓民即追問,指梁自稱「冰封咗喺度」,就如「仆咁死人喺度」,再一次指出他根本是無反應,是不合情理,梁表示不同意。

在看現場錄影時,梁一度認不出自己,問「邊個係證人」,黃即指出畫面內的梁,稱「呢個係證人,即係你呀」。

廣告

「8秒9衝入嚟都唔得」

梁曾供稱,有人掟玻璃杯後,他擔心掟水杯的施襲者會有同黨在場,擔心會受二次襲擊。黃問梁於錄影中,有否見到在會議廳有他所指的同黨,梁即指,任何人想二次襲擊他的人,可一至兩秒走入去,拿起水杯襲擊他,「隨時可以衝入去拎起水杯就掟我」。

黃毓民即指出,這空間「點一兩秒呀(衝入去)」,「100公呎8秒9都唔得呀」。

黃今早於庭上開始播放案發時閉路電視片段,但因用作播放錄影予證人的電視機螢幕比較細,像小型電視機。稱自己視力無問題的梁振英指,有時指看不到影片細節,更曾指看不到畫面中的自己是否低頭。黃於午飯休庭前要求法庭安排質素較好的顯示器,控方於午休後即表示,已購買了兩個電腦螢幕,並安裝於裁判官席和證人台,讓裁判官和證人梁振英看到更清楚的畫面。

發表意見