立場新聞 Stand News

收成冇問題,點解要影響到人?

2019/6/16 — 12:52

陳健波,圖片來源:無綫電視片段截圖

陳健波,圖片來源:無綫電視片段截圖

陳健波的言論,其實很 typical。
每年只有 0.000幾% 的人被送中,又唔係我,點解唔就一就中央?
你激嬲咗中央,阿爺反面,咪盞大家冇運行?
你哋爭取冇問題,點解要影響到人?
辛辛苦苦爬上而家嘅地位,先可以有安穩嘅生活,點解要阻住我收成?

…………

辛辛苦苦換來所擁有嘅,不想失去自是理所當然,但那 0.000 幾所擁有嘅呢,棄不足惜,因為唔係自己嘅;
唔係驚阿爺反面大家冇運行,其實係驚有乜變動自己冇運行;
以為討好了極權,甚至認埋對方做「阿爺」,極權的魔掌會遠離自己;以為自己唔係逃犯,當魔掌肆虐其他人時只要保持沈默,自己就唔會成為下一個目標……

廣告

但說到收成期……

套用他們的思維,你哋收成冇問題,點解要影響到人?
點解豐衣足食、衣食無憂仲要瘋狂炒樓推高樓價?
點解要將間房一劏二二劏四,仲要收取高昂租金,迫人過著非人生活?
點解安排哂仔女去外國留學或讀國際學校,其他家長唔想仔女做功課奴隸,只想仔女身心健康咁成長,你哋唔係袖手旁觀,就係冷嘲熱諷?
點解你哋攞哂外國護照有哂後路,但對決定留低、爭取民主自由嘅香港人諸多阻攔?
點解你哋支持政權倒錢落海淘空萬元儲備,自己從中分一杯羹,任由未來幾代自生自滅?
點解明明有份扼殺年輕人嘅發展空間,仲要對佢哋指指點點,話佢哋激進廢青垃圾人渣唔死都冇用(我親耳聽到 N 次)?

廣告

點解,有冇人可以答到我?

發表意見