立場新聞 Stand News

【政改表決】梁美芬:普選致民粹 泛民做特首香港渣都冇

2015/6/18 — 10:42

圖:無綫電視新聞截圖

圖:無綫電視新聞截圖

立法會今日繼續辯論政改,經民聯梁美芬重申自己支持提委會制度,形容很多外國例子亦證明有普選不一定好,會變得非常民粹,指提委會作為安全閥是「非常良好嘅制定…睇到佔中係人都驚,點解唔驚?點解唔要安全閥?」她又反問泛民,「畀你哋做特首,香港會變成啲?唔止民粹,真係渣都冇,可以好恐怖!」,強調香港與國家血濃於水,「可以批評國家,但不可傷害國家」,要求泛民在政改後「畀香港抖一抖,不要再做破壞國家、破壞香港繁榮」,要求泛民「民向激進主義說不」。

梁美芬形容「泛民亂咁去爭…溫和泛民中晒激進派嘅計」,指自從司徒華逝世後,泛民便無人有能力、用合理方式,「令佢哋爭取嘅嘢可以向前走」,手法全錯。梁美芬特別提到,民主黨黃成志,說出不同意見就「畀人踢出黨」,指泛民支持者所托非人,因為泛民的判斷力太差,不懂按大形勢調整策略。

梁美芬強調,政改方案「你(泛民)認為保守,佢(中央)認為安全、穩陣」,指控泛民是因為自己陣營的人入不了閘,「來來去去都係話不合理限制,但又提不出更好方案說服中央」,質問是否想「否一世」。

廣告

 

廣告

發表意見