立場新聞 Stand News

政綱未提《檔案法》 曾俊華稱寫唔晒 強調不會向傳媒發律師信

2017/3/10 — 11:57

曾俊華

曾俊華

香港記者協會今早舉辦特首選舉候選人交流會,三名候選人前後腳出席;被問到為何政綱未有如其他候選人寫入檔案法,特首參選人曾俊華稱,「我頭先都講,嗰個係我承諾,我會去做。」但他指政綱太多內容「寫唔得晒」。

他稱,一直覺得應該去做,「(點解唔放落政綱)我本來個政網有200頁,我本來諗25頁至30頁應該夠,而家都有75頁,所以都係寫唔得晒所有做的事情,真係好難。」

對於開放網媒採訪權的問題,曾俊華稱應該要制度配合,「開放程度一定要高。」

廣告

主持人區家麟問,曾俊華會否為網媒爭取進入三月底的特首選舉會場,曾俊華指這不是他們候選人的決定,或許更好的做法是記協可以向政府反映。曾俊華同意媒體環境已經改變,要找出公開、公平、公正的方法,如何容納不同的網媒報道。

被問到特首梁振英屢向傳媒發律師信一事,曾俊華重申自己在政府三十多年都沒發過這種律師信,「我係唔會做呢啲事」。

廣告

附:曾俊華談檔案法節錄

主持:你認為《資訊自由法》同《檔案法》應否立法?

曾俊華:…我覺得呢兩樣嘢都係重要,我一直覺得政府要有高透明度,當(法改委)做完研究、公眾諮詢,就會開始立法工作。

主持:咁點解政綱唔清楚呢?

曾俊華:我有寫過,你留心啲啦。

-半小時後-

觀眾:另外兩位候選人(政綱)一開始就有檔案法存在,但睇返你成份政綱,都見唔到曾生有講《檔案法》,係咪有其他嘢優先過呢件事,所以冇包含落政綱?

曾俊華:嗰個會係我嘅承諾,我會去做…本來我政綱差唔多二百頁,而家都七十五頁,寫唔得晒要做嘅事情。

發表意見