立場新聞 Stand News

教育的初心

2019/9/2 — 18:26

中學生集會期間突然下大雨,有同學仍坐在地上開遮陣擋雨。立場新聞圖片

中學生集會期間突然下大雨,有同學仍坐在地上開遮陣擋雨。立場新聞圖片

教育同工們,放過孩子吧。

同學校友們響學校表達訴求,因為佢仲相信呢度,政府唔聽父母唔聽,佢真係當呢度係佢最後的家回來呼喊,你欣慰才是。

你聽唔入耳唔緊要,正等如你唔鐘意佢地攪 Halloween party、Xmas ball 咁,反正你都 ban 硬,但都俾個空間佢地宣洩吧。

廣告

你走去報警?

你將責任推俾呢兩個幾月絲毫解決唔到問題的警察?

廣告

你唔解決問題仲要製造問題,得罪講句,你份糧出俾邊個?

或者你又會講,「不要攪事,學校是淨土!」

我又好想問你,你係咪響太空辦教育?

學校從來不純正。學生總帶著一堆問題回校,成長困惑家庭代溝人際衝突,甚至有帶罪惡之事,總有些個案弄得我們好不混沌。我們總不能以明哲保身來逃避,你總得跳入混水救助他們。

做教育的就是從滿身泥濘中走來的。有潔癖的人,請快點回火星吧,地球是很危險的。

你以為我幫黃絲暴徒講說話?其實以上角色轉換至警察兒女,一樣適用。

所謂停止撕裂,其實最應該的就由我們做起。不需做甚麼,不要我們與政府一樣假惺惺,放下姿態用心聆聽,不要幻想可改變他們甚麼觀念,但至少不要讓我們都成為他們的敵人,這班 no stake in this society 的人,今日幾乎已經萬箭穿心了。

都是我們的孩子,說到要做到。他們已無家可歸了,求你們放過他們吧,好嗎?

以上內容唔係政治,係 EDU1001,教育的初心。

 

(標題為編輯所擬)

發表意見