立場新聞 Stand News

敢言的陳日君樞機

2019/4/13 — 15:55

長達15年的青年議政平台《政壇新秀訓練班》,正式由香港電台第二台,喬遷至香港電台第一台,逢星期六下午3:00-4:00播放,繼續讓年青人發聲。第一集,我們請到香港天主教教區榮休主教陳日君樞機,與一群年青人討論下中梵建交、逃犯條例及4月9日佔中案判決。facebook播放如下:

陳日君,上海出生,第二次國共內戰時移居香港。2002年,成為天主教香港教區第六任正權主教,2006年被擢陞為樞機,於2009年退休。目前身份係天主教香港教區榮休主教。

廣告

陳日君樞機一向以敢言見稱,多次於重大既社會議題上發聲。早前中梵秘密簽訂主教任命協議,就公開表達憂慮,擔心教宗對中國內部情況不理解。與此同時,內地多番傳出打壓宗教自由既新聞,例如內地出現強拆十字架事件、有神職人員被當局帶走等等。到底中梵關係應該點樣走下去?中國的宗教自由前景又會係點?

近日,亦有人疑似不點名批評陳日君樞機,認為佢既說話造成混亂,提醒教徒有責任全力支持教宗。不過亦有人話,樞機提出意見係責任所在。

廣告

雖然面到種種批評同爭議,但似乎陳日君樞機,亦無打算就此收聲。近日更就逃犯條例修訂連串開火,批評內地既司法制度。睇來陳樞機都有好多野想表達,既然特首都搞三合一記者會,撈埋d重大新聞一齊講,今日政壇新秀訓練班,既然第一次喺香港電台第一台正式開壇,我哋一班新秀就邀請到陳樞機,就所有議題,一次過攤出黎講,有嗰句講嗰句!

歡迎陳日君樞機!

 

發表意見