立場新聞 Stand News

數字 2.0 快啲去驗吓眼

2017/2/21 — 14:07

林鄭月娥宣布部份政綱記者會

林鄭月娥宣布部份政綱記者會

數字2.0真係好鍾意自暴其短,佢近日又試公開講咗一啲佢「睇唔到」但係好多好多香港市民都睇得到嘅嘢。

係咁椅,google一下,就知道佢有唔少「睇唔到」嘅案例,怕且數字2.0就快病入膏「盲」喇。

(一)睇唔到鉛水事件有官員要負責:

廣告

「政府高官在《食水含鉛超標調查委員會報告》發表後召開記者會,五名問責官員及署長當中,四人(陳茂波、張炳良、應耀康、林天星)…致歉,但政務司司長林鄭月娥只表示,司局長及相關部門責無旁貸、水務署有一定責任,但不代表個別官員有法不依、疏於職守,也看不到有誰要為事件負上個人責任。」(香港01  31-5-2016)

(二)睇唔到西九起故宮有私心私利:

廣告

「林鄭月娥表示:『於香港建設一個故宮文化博物館,土地運用是正當是適合,資金方面得到馬會慷慨捐助,更重要得到中央政府各相關部委配合,於文物出境政策提供方便,讓香港長期展出文物,我真的看不到所謂私心私利何在?』」(無線新聞10-1-2017)

(三)睇唔到有意見反對現時嘅福利政策:

「就梁振英任內執行的部分政策存有爭議並引發反對聲音,林鄭現在稱要延續有關政策會否令市民反感?對此,林鄭指,看不到社會有聲音反對現屆政府在社會福利等方面的政策不應延續。」(香港商報17-1-2017)

(四)睇唔到有證據顯示中聯辦幫手拉票:

「有報道指,中聯辦要求不同選委在特首提名時支持前政務司長林鄭月娥,涉為她拉票。林鄭月娥在無綫電視《講清講楚》表示,看不到有證據證明有此事發生,亦見不到中聯辦為參選人拉票的需要。」(明報 29-1-2017)

(五)睇唔到有機構可以影響市民嘅睇法:

「多家傳媒引述消息指…張德江近日南下…明言林鄭月娥是中央唯一支持的特首參選人,並且這是政治局的一致決定。林鄭月娥…未有直接回應有關傳聞…又說看不到一個人或一個機構,可影響市民對各個參選人的看法。」(立場新聞6-2-2017)

(六)睇唔到自己有乜做錯:

“(Lam said) I just don’t see what I have done wrong in the last two or three weeks, but my poll seems have come down a bit.” (Bloomberg, 16-12-2017)

唉,見你咁慘,成日都睇唔到嘢,不才就幫下你。

(一)鉛水事件有官員要負責:如果你無失憶,應該重記得香港依家係行緊問責制,而你同埋其他司局長都屬於政治任命。你哋坐咗呢個位逗咗呢份人工,但係又搞到政府啲嘢一鑊粥,咁你同另外兩個局長咪要為鉛水事件負上你哋嘅政治責任囉。就係咁簡單,不才同好多香港市民都睇得好清楚喎。

(二)西九故宮有私利:唔該留意吓新聞。《恒隆系人馬早知西九建故宮》(眾新聞6-1-2017);《朱凱迪質疑港府去年增賽馬日換取建故宮捐助》(香港經濟日報6-1-2017);《嚴迅奇自己收費自己估,西九故宮館做法正常嗎?》(端傳媒 17-1-2017)

(三)反對現時福利政策:講多無謂,擘大眼去睇吓香港「社工之父」同埋社福界兩大團體有咩意見。《專訪周永新:香港政府得罪年輕人,激怒中年人,失去老年人》(端傳媒21-6-2016);《林鄭  社福界葉劉》(香港社會工作者總工會14-12-2016) ;《「退休保障」在香港社會的討論歷程及海外經驗的啟示》(香港社會服務聯會2016年3月)

(四)中聯辦幫手拉票:初步證據喺呢度,其他證據最好問吓經常出沒嘅消息人士。《中聯辦追魂call為林鄭拉票 郭榮鏗籲葉劉為自己發聲》(蘋果日報2-2-2017)

(五)有機構可以影響市民嘅睇法:你睇唔到,不如用隻耳仔聽吓田大少點講啦,佢話「依家做生意嗰啲全部因為見到中聯辦出嚟大力撐呀林鄭,全部縮埋嘅,唔夠膽提名呀曾俊華」(《中聯辦力撐林鄭  田北俊:幫倒忙》(香港電台 19-1-2017)。呢個屬於香港外部勢力嘅機構,依家唔單止影響緊選委,重影響埋香港普羅大眾對幾個特首參選人嘅睇法。中大傳播與民意調查中心所做嘅民調就講咗,數字2.0嘅支持度只得28.2%,對手鬍鬚曾拋離佢超過14%,不過,認為數字2.0會當選嘅市民喺過去呢個月就狂升超過20%,有成65.9%,而認為鬍鬚曾會贏嘅就跌剩18.3% (SCMP, 9-2-2017) 。

(六)睇唔到自己有乜做錯:唉,呢個真係幫你唔到。我哋個個都睇到,但係你自己又偏偏睇唔到,唔通,你係啲烏糟蹋塌嘢?抑或,數字2.0你要去驗吓嘅,其實係你嘅其他器官?

 

 

 

發表意見