立場新聞 Stand News

文人風骨 — 林榮基

2016/6/17 — 0:43

失蹤超過半年的銅鑼灣書店店長林榮基,6月16日傍晚舉行記者會,講述被中央拘留的經過。

失蹤超過半年的銅鑼灣書店店長林榮基,6月16日傍晚舉行記者會,講述被中央拘留的經過。

林榮基初返港時「要求銷案,又說無需要特區政府或警方協助,亦拒絕透露其他詳情。」

我還跟同事說「仲以為佢有D文人風骨,原來都係咁,不過都係既,係條命面前,實係條命緊要啦!」

對不起,林生。

廣告

我是銅鑼灣書店FANS,因為書平,繁體,又因為前女友於時代工作,等收工Hea時間就會上去。成日都見到個白頭叔叔,我和他不多話,就只是感覺他是一個老文人,不亢不卑,有其骨氣。

廣告

「村上春樹返左本新書。」幾年內,除了多謝,印象中就只有這句他主動跟我說過(我大部份村上春樹都喺度買)

成件事內情係點,我唔知。

佢有冇桃色糾紛,我冇興趣。

我只會相信我親眼看到的,他就是切切實實的走出來說明所有。

我就只是聽到:「我不發聲,香港沒救,香港人不會向強權屈服。」

說到不服,說到哽咽,卻不會哭。

女記者:「想問下點解隔咗咁耐先放番你出泥呢?」

林榮基:「隔咗咁耐?因為佢隔咗咁耐左先放我囉。」

全個記者會不失氣概。

誠意推介各位將記者會看一次。

走出來說真相會對他有好處嗎?

我看不到。

說出來引起香港人關住佢會安全啲?

李旺陽大搖大擺被自殺,共產黨會理你咩。

困足八個月,精神折磨八個月,無自由八個月,返到香港。

仲可以走出來講自己想講,或者必需要講的事。

引孟子「天下有道,以道殉身;天下無道,以身殉道。」

這就是我心中的文人風骨。

 

P.S:我覺得香港01呢次真係過份低手,用桃色糾紛轉移視線。我將失業,考慮申請他們Art Director一職,如果他們看見我所寫的,可以不用再考慮我,我要表達的就會表達,我也有我的平民風骨。

發表意見