立場新聞 Stand News

新利益集團

2015/2/11 — 12:42

一棚科技界及學者聯署公開信,呼籲立法會議員停止拉布,儘快通過成立創科局,又指香港過去欠缺科技發展規劃,失去機會。呢棚人好似患上失憶症,抑或利益當前,連理性也不顧了。

1)首先廿年來香港科技發展並非欠規劃,而是施政失敗,當時梁振英也是核心決策者,九七後董朝曾進行過一次「大躍進式」的科技產業規劃大計,成立委員會,廣邀名人參與制訂,如田長霖。最廣為人知的項目是今日成為中產偷情勝地之「數碼港」及烏燈黒火內地人最愛之貝沙灣。也成為政策性官商勾結之代表作,當時輿論沸騰,難得學者科技專家全部失憶。

2)第二個白痴論據是有科技局才有政策規劃,咁美國此科技強國冇科技局咪死梗,剛果、東帝汶及緬甸、柬埔寨有科技局咪好掂,白痴。

廣告

3)要再搞科技大躍進就先要為上一次董梁的科技產業大計進行「審計」。九龍塘創科中心依家租比大戶,有幾多係incubation,心中有數,科學園內有幾多公司屬醫療美容集團租用作「包裝紙」,數碼港大租戶曾經是欠租多月的「商交所」。一大筆糊塗帳未清,又再搭個新雞棚。

正所謂橋唔怕舊,就緊要有人受,有政策優惠、輸入外勞,資助基金,一大堆著數,學者專家都變「梁粉」,至於知識、常識早已放埋一邊。

廣告

發表意見