立場新聞 Stand News

【新東論壇】激辯北區水貨問題 陳志全倡「陸路入境稅」 容海恩:咁飛嗰啲呢?淨係陸路呀?

2016/8/29 — 13:47

資料圖片:容海恩、陳志全

資料圖片:容海恩、陳志全

北區水貨問題向來是一大民生議題,港台今早舉行的新界東選區選舉論壇中,多名候選人就「一周一行及水貨問題」激烈討論。

人民力量候選人陳志全指,解決水貨問題應分為政策及執法兩方面,指責警方及港鐵執法不力,又提出向非本港徵收「陸路入境稅」,増加走水貨的成本,收益亦可惠及本港。

陳志全其後詢問新民黨容海恩是否支持該稅的訂立,二人隨即火藥味濃厚,客海恩反問「加稅咪即係要再要畀多啲稅?我地香港人….」,陳志全插嘴回應「非本地居民啊,容小姐」,容海恩續答「咁你咁樣又可以控制到,咁飛嗰啲呢?陸路呀?淨係陸路呀?咁飛嗰啲你又唔控制啦喎?」,陳志全反問「走水貨係飛住走,定火車走啊?」,容海恩逐指陳志全疊聲,「你要疊聲定我要講呢?」陳志全直指「你無答過我問題啊!」

廣告

二人的爭持令主持人介入,容海恩續繼續回答該問題,指加陸路稅會影響從事水貨業務的香港人,問陳志全「係咪要禁埋香港人飯碗?」陳志全回應指若港人守秩序地「帶貨」則無問題,惟容認為如同不能解決現時問題。

同為候選人的北區水貨客關注組發言人梁金成問容海恩,指現時不少走水貨的物品均違反國內走私法例,若容認為反水貨是「打爛香港人飯碗」,是否支持港人違法?容海恩回應稱,「如果香港人有人用呢方面做生計,我..我好…我好…」梁金成追問「即係支持啲人違反中國法例啦下嘛?」

廣告

容海恩表示,「違反同生計係兩件事,違反一定要國內加強執法,我們都希望同國內加強溝通……」梁金成再追問「咁你又話唔想令到人無飯碗?國內執法嗰班人咪一樣無飯碗?」容海恩反問「唔犯法下係可以做架嘛?」。

獨立候選人黃琛瑜指,自己在北區居住,對水貨問題是身受其害,「呢個地方已經不屬於港人」,又認為問題仍未解決到。

正義聯盟李偲嫣卻認為水貨問題已有「非常大改善」。

發表意見