立場新聞 Stand News

新西論壇掀港獨罵戰 陳恒鑌:港獨係倫敦金 黃俊傑:覺得我犯法可以報警,放馬過嚟!

2016/8/31 — 11:32

資料圖片:陳恒鑌、黃俊傑

資料圖片:陳恒鑌、黃俊傑

港台今早舉行的新界西選舉論壇中,民建聯候選人梁志祥、陳恒鑌分別就「港獨」批評青年新政黃俊傑,陳恒鑌直指黃「港獨毒上腦」,又稱「港獨係倫敦金騙案」,黃俊傑反駁指,建制派若認為他有犯法可報警。

民建聯梁志祥批評黃俊傑表明個人支持獨立,「你參選立法會又要搞獨立,咁咪同基本法對撞囉,衝撞囉,咁你仲選咩立法會啫?仲搞咩嘢啫,係咪?你唔應該選立法會啦,政府追究我覺得合情合理喎。」

黃俊傑反問,「作為一個人,佢係咪應該有自己的取態?」梁志祥未有回應,黃續指「保皇黨」不給予想像空間年輕人。

廣告

民建聯陳恒鑌亦狙擊黃俊傑,指他「港獨毒上腦」,又質疑「根本上港獨是倫敦金騙案,既然係一個騙案點解唔執法?」

民協馮檢基指自己不支持港獨,但不同意政府以確認書取消一個人的政治權力,又批評政府把行政機關當作法庭,違反法治精神。

廣告

陳恒鑌隨即追問「你見到人哋犯法,你就話我尊重佢但唔支持佢,咁你又唔指出佢地犯法?」馮檢基稱「唔係能夠我指出,應該係法庭指出,控告係政府控告……」,二人火藥味濃,陳狠斥「你宜家見到倫敦金騙案,你係咪唔去踢爆佢,你唔踢爆佢,你就係幫兇!」馮回應指,「呢個係思想行為,唔係一個犯罪行為,如果你覺得係犯法,唔該你告去法庭!」

黃俊傑指,「如果你哋覺得我犯法嘅話,可以報警過來拉我,我入到去監獄,我會日日絕食,仿傚曼德拉,絕食到香港人覺醒,等全世界知道今日淪落到咩地步,放馬過嚟!」

工聯會麥美娟指,論壇中「個個都抽水,實際上梁天琦無得選,呢度唔知幾多個幾開心啦,個個都係受惠者」,又重申反對港獨,支持依法辨事。

 

*有關立會選舉各區候選人名單,可參看立場新聞選舉專頁

發表意見