朝雲

朝雲

左膠

2019/10/10 - 22:09

旺角衝突成時代先驅,梁天琦成運動精神領袖

作者攝

作者攝

9/10 高等法院
五百人排隊旁聽,到場守候,多名中學生請假戴口罩到場
「戴口罩唔係驚被點相,而係要表態反抗」

梁天琦、黃家駒、盧建民就旺角衝突案上訴。梁、黃上訴刑期,盧上訴判罪兼刑期。

民眾聞訊紛赴高院聲援,逾百人塞滿庭內庭外,其餘數百人則佈滿法院四周,最多人守候車輛出入口,等囚車進出時向被告打氣。

廣告

眾多學生穿著校服戴著口罩,不少人是特地請假前來。

兩名中四學生說:「天琦為咗香港人坐咗好耐監,請半日假唔係好大嘅事,等佢知道有班人支持佢。」

至於阿軒、浩仔、七號仔都是同校同學。

「我希望梁天琦可以快啲出嚟成為我地領袖。」

「我由反送中運動開始關心政治,上網搵番香港發生咩事,原來除咗雨傘革命仲有魚蛋革命。梁天琦好吸引,佢唔單止係領袖,仲會同群眾打成一片,一齊反抗。」

七號仔正讀中六,當日校內活動會左右 DSE 分數,但他依然請假過來。

「香港嘅文化正被大陸扼殺。梁天琦佢地為咗保護小販同捍衛本土文化,不惜承受暴動罪嘅代價。身為香港一份子,我地要學習佢地嘅精神。」

唐伍郭曾四位同學,雖就讀不同年級卻結伴而行。

「係梁天琦教識我地要勇武抗爭。我地犧牲一日半日嘅上堂時間過嚟聲援,係要俾大家知道唔止成年人,仲有一班中學生都非常支持佢。」

「好開心見到咁多手足。三位被告都係勇武嘅代表,希望打氣場面能夠打到強心針畀勇武手足,我地唔會離佢地而去。」

中學生「七號仔」

中學生「七號仔」

所有受訪學生都戴上口罩,然而多數人的動機卻在意料之外。戴口罩並非為免露面,而是刻意表態。

「蒙面法唔係經立法會立法。政府動用緊急法推行蒙面法,但又話唔係緊急狀態,我覺得佢好矛盾。」

「唔可以政府話乜我地就乜,我地有自己立場。當政府係暴政,香港人唔可以服從,當冇事發生過。」

「戴口罩只係象徵,象徵依四個月嚟一直守衛嘅精神。我地戴口罩係戴俾人睇,原來有好多人反對條例,戴口罩啦。」

「蒙面法其實係不智地無理取鬧。我地本住道德同良知,違抗依條法律係犯法,但冇犯罪。我地著住校服都唔會驚,戴口罩亦唔係驚被人點相,因為我地係表態去反抗。」

辯方律師披露梁天琦聽到眾人的歌聲和口號,然而入獄後的他相當斂抑,沒有置喙一語評論。

 

作者 Facebook